Ka Nupepa Elele, Volume X, Number 17, 10 November 1888 — Ka Halawai Nui ana Makaainana. [ARTICLE]

Ka Halawai Nui ana Makaainana.

Ma ka Hale Paikau o na Koa Honolulu Raifela ma Manamana Ma ke ahiahi Poaha la 22 o Novemaba, i ka hora 7 ponoi, Ke poloai ia aku nei na lala a pau o ka Ahahui Kalaiaina Hawaii e hele ae ma ka halawai i hai ia ae la e malama ia ana ma ka Halekoa ma Manamana ma ke ahiahi Poaha, Novemapa la 22, i ka hora 7 ponoi. O keia ka halawai mua o keia ano, ka halawai hoohui Kalaiaina i kukuluia e na kanaka Hawaii maloko o keia Aupuni. He halawai keia no ke koho ana i na Luna Nui o ka Hui, a me na hana

e ae e hoea ae ana imua o ka halawai. He mea pono na lala a pau e hele ae ma keia halaw[a]i mua a ka Hui. A e hauoli loa hoi ka hui ke hoea ae na Elele o na mokupuni a me ko na apana Kuaaina o ka—Ke ake nui mai nei na makamaka o na apana e aku a puni na Paemoku holookoa, heaha la na mea e nana ia ana e ka lehulehu ma keia Halawai Makaainana nui mua a ka Ahahui. Ke hoike e aku nei makou no ka hui a me na manaolana maikai no ka pono o Hawaii a me kona Lahui. He lehulehu o na leta i loaa mai i ke Keena o ka ELELE mai na wahi mai a pau o keia Aupuni i keia pule e noi mai ana ia makou e awiki i ke kahea ana ae i ka halawai ma Honolulu nei i hooili koke aku i ko kakou mau Rula, na Kanawai, Kumuhana, a pela aku, e pili ana i ka Ahahui. O ke kumu o ke kahea koke ana i keia halawai, i mea e hooluolu aku ai i na man[a]o uluku o na lala e noho mai la ma na mokupuni e aku. Oiai ua ake nui lakou e kaei ae ma ko lakou mau puhaka i na mea kaua a komo ae ma ke kahua mokomoko o ka la hakoko nui. He oi loa aku ka uahoa o ka hana a na Kanaka Hawaii Aloha ma na kuaaina ma mua o kakou ma Oahu nei. Oiai aia ka hapa nui o ka poe ka poe Mahiko. A makou @@@ ole nei, me ka hooikaika nui ana hoi lakou e puka a lanakila ka Balota Mikanele i keia Kau koho ae o 1890. No laila, ua oi aku ka poino o ko na mokupuni e mamua o ko kakou nei o Honolulu nei, no ka mea ua hiki hoi, a ke hiki nei ia makou ke heluhelu mau i na mea hou i kela a me keia pule. Aole hoi pela ka poe kanaka Hawaii e noho ana ma Mahiko. A i kekahi olelo ana ae, ua lawa kupono ole ia no ka uku ana i ka auhau o ka nupepa, aole hoi he wahi e hiki ai iaia ke hoomaopopo i ke ano o kona kulana noho aupuni, a o kekahi mea

hoi, ua hookokono pinepine wale ia i na la he nui e ka poe poholalo i na wa i hala, a ua aneane hiki ole iaia ke manaoio mai i na ao maikai ana a kahi poe. He hana nui a koikoi kela a ke Kanaka Hawaii naauao a Aloha Aina e hana ai, oia hoi ke ao ana aku i kona hoa kanaka ma ke koko e noho ana iloko o ka pouli a me ka hupo, no ka heluhelu ana i keia kumuhana nui a waiwai o ke Kalaiaina, a makou hoi e hoopuka aku nei ma kau wahi e ae o ka pepa o keia la no ka waiho ana aku imua o ka lehulehu. E heluhelu iho e kela a me keia, a pau hoi kau heluhelu ana, e oluolu e haawi aku i kau ELELE e heluhelu ia mai e kou mau hoalauna, ka poe hoi i loaa ole ia lakou o ka pomaikai ma ka loaa ana o ka ELELE.