Ka Naʻi Aupuni, Volume V, Number 80, 29 ʻApelila 1908 — Na Palapala [ARTICLE]

Na Palapala

MR. J. KAMAiNALULU. Hope Lunahoohana Nui; Aloha oe a me ka ohana. E oluolu oe e hookomo īJio maloko o na keena kaawale o ka kaua Hiwahiwa, a o ka wahaolelo wiwo ole hoi e paio nei no Ip pono o ka lahui Hawaii nana e hoonaauao nei i na oiwi ponoi o ka aina ma na ninau ano nui pili i ka nohona aupuni, i ko'u mau manao hoakaka imua o ko'u mau hoa lahui e pili ana i ka Elele Lahui, a oia'keia: Maloko o ka nupepa Home Rula o ka pule i hala, Aperila 24, i ike iho ai makou i kekahi manao malalo o ke poo-manao "He Alunu ame ka Hookae Maoli," e hoike ana i ka hekau mai o na maka o ke Komite Lahui ma o no ka hiki i na kanaka Hawaii ke lawelawe i na oihana aupuni o kakou nei, ame ka pane alimu a ku i ka hookae a na poe malihini aloha ole ia kakou. Oiai no nae, he nui na poe Hawaii kupono e lawelawe ai ma na oihana, o ka pilikia, o ka loaa ole o ka elele kupono a hoopilimeaai ole elike me Kahiliaulani, nana e hoike aku i ka makemake a me ka pono e hanaia ai no ka lahui Hawaii, aole elike me Kuhio, o ko ka poe waiwai pono wale no kana e nana, a koe ko ka poe ilihune. Me ka ike nohoi i ka pilikia o na kanaka i na aina ame na home hookuonoono, aohe nae he noi ia aku, o ka hoomahuahua aku i ka hoolimalima o ua mau aina la ka mea i nonoi ia no ka pono o ka poe waiwai ame na mahiko, a noho mau no ka poe ilihune pela. O Kahiliaulani wale no ka Elele kupono a kakou e koho ai i hiki ai ke nonoiia aku keia mau aina aupuni no ka hoo kuonoono ana o na kanaka Hawaii elike me na kanawai hookuonoono o Amerika, a hiki ke loaa ka aina aupuni i na poe ilihune no $2.00 a oi o ka eka, me ke kukulu pu^ia o na home ame ka hana e hiki ai ke lawelawe ke kanaka ilihune, aole elike me koonei kanawai kakauha ke paa o!e ka hale iloko o elua makahiki, o ke kaili hou ia no ia. Olopana Ka-I'a-i-ke-Ale.