Ka Naʻi Aupuni, Volume V, Number 79, 28 April 1908 — Masiliona ke koa — A Me— Mahanolia ka Loo ! [ARTICLE]

Masiliona ke koa — A Me— Mahanolia ka Loo !

ie iHooieio oo ks Paamai Hopo 0is ase ne iiona ®ei« MOKUNA IV |hoomauīa[ I kela wa i ala ae āi au, komo awiwi iho la i ko'u wahi aahu, a holo a'ku la au iloko o kekahi keena. O keia hoi ke keena hoahu o na kapakila o loko o keia hale a makou e noho nei. Ia u i hoea aku ai maloko o keia keena, ua komo koke iho la au i kekahi kapakila i like loa kona ano me ko kuu aahu kila e waiho ana maloko o ko maua hale me MaganoIia ma ke kulanakauhale alii. O ka mea kupaianaha a'u e ike ana, oiai au e komo ana i keia aahu, me he mea la e ike ana au i kekahi mea e kokua ana ia'u ma keia komo ana o'u i ua kapakila nei. O ka holopono o na mea apau o ko'u komo ana i ua kapa nei, aka, aole nae o'u ike i ke kino o ka mea nana au e kokua ana ma keia hana. Aka, ua paa iho Ia ua aahu nei maluna o'u, a vua makaukau hoi au e ku aku a paio me ka me?a kino kanaka e aa ana e paio mai ia'u. Me keia luhiehu e wahi ana i kuu kino, ia wa i hoi aku ai au maloko o kuu rumi. Ia'u hoi i hiki aku ai malaila, ike aku la au e ku mai ana kuu MaganoIia, ua hele a haikea pu * kona mau helehelena, a ua ano e hoi kona mau maka. Ua piha maoli oia i ka maka'u ame ka weliweli. Uele awiwi aku la au a paa aku la īaia. N*mau aku la hoi au: "Ea, heaha keia, e kuu MaganoIia? Ke pihoi hoi nei anei oe no keia mau leo uluaoa e īkuwa mai neip Ae mai la oia, me ka pane ana mai: "He mau leo weliwe h keia a u e lohe .nei. Ua Iike keia me na-Ieo o na tausani uhane lapu o ka po e holapu nei o keia wanaao. Heaha la ke ano o keia mea?" "Aole kāua i ike e kuu aloha," wahi a'u i pane aku ai i ua Maganolia nei a'u, me ka hoomau ana 'ku nohoi i ke kamailio ana aku iaia." E hoomaopopo mai oe, ekuu Ma ganoIia, eia au ua makaukau e halawai aku me na mea kino apau e ku mai ana imua o ko'u alo no ka hoopoino a hoopopilikia ana mai ia kaua, a i ole, i kekahi paha o kaua. Nolaila, e paulele aku kaua i ke Akua o na Karistiano. Ina o keia mau Ieo uluaoa weliweli a kaua e lohe aku nei, a he mau leo ia no na kanaka i oi aku i ka elua haneri, alaila, ua loaa ia u he kumu e komo mai ai ke puanuanu o ka maka'u ame ka hopohopo; nokamea, ua oi loa aku ia huina i ka hiki i na lima o kau kane nei ke pale aku i ko lakou mau ikaika huiiā, aka hoi, ina ae mai ke Akua o na Karistiano e haawi mai i Kona anela kokua, elike me ia Ana i haawi aku ai i ka ohana o ka Isaraela, alaila, loaa no ia kaua ka palekana. Mahope iho o keia mau olelo a'u, ua haalele iho Ia maua ia Ioko o ko'u rumi moe a hele aku la maua noloko o ka rumi hookipa. Ia maua nohoi a hoea malaila komo mai ana o Aremana ame Papine, ua makaukau nohoi Jlaua me ka laua mau pua pana ame na kakaka. Heaha keia mau leo hooho [hehena e ikuwa mai nei mai loko mai o ka ululaau? wahi a'u i ninau aku ai ia Aremana. Alaila, pane mai la ia: "Ua hiki i ko'u mau pepeiao ke hoomaopop i ka huhu ame ka hauoli o ka ilio ma ke ano o kana hae ana, aka, o keia mau leo uluaoa a kakou apau e lohe aku nei, aole hiki ia'u ke ike a hoomaopopo iho i ke ano o keia mau leo. He enemi paha, he hoaloha paha. Aka, ina he poe enemi na mea no lakou keia mau Ieo, alaila ua makaukau no kakou e pale no ko kakou ola iho; aka,

ina he poe hoaloa keia no kakeu, he oluolu a he palekana ia no kakou." • Ua malamalama loa ae la i keia wa. Ia manawa olelo aku la au ia Aremana ma, e haalele iho makou ia loko o ke keena hookipa a e puka aku makou no waho o ka lanai 0 ka hale. e huli pono ana i kekahi kula palahalaha e nee ana mai ka hale aku a komo iloko o ka ululaau. I keia puka ana 'ku o makou iwaho, ike ae la makou 1 ka huila ana ae a kekahi malamalama, elike me ka anapu ana a ka uila mai ka lani mai; aia hoi, ike aku la makou i ka oili ana mai o kekahi pualikaua lio nui mai loko mai o ka ululaau. Nee mai Ia ua pualikaua nei a uhi paa ae la i ke kula palahalaha holookoa. Ia wa hoi i lohe hou ole aku a3' makou i ka ikuwa hou ae o na leo ululaoa a makou i lohe ai mamua ae. Heaha hoi ke ana o nei pualikaua lio nui e hoomoana mai nei mamua pono aku o ka halealii? Hoomanao ae la au o ka la keia e piha ai _ke dekana (anahulu) Ia elike me ke kauoha a ke kahuna o ka heiau o Zeuma, a o ka wa keia ona e ike hou ia mai ai imua o'u. Aka, o kona poe anei keia e ku mai nei, a oia anei kekahi mawaena o keia poe? Ia'u ame kuu Maganolia ame na wahihoalohao maua e ike aku nei, he poe kanaka kaua lio keia i lako i na ko'i kaua, i na pahikaua ame na laau ihe. Ua hoike mai ko lakou mau ano apau, aole lakou he poe naita elike me ko na kanaka oia ano ma ;Europa. O ka mea maopopo no nae, he poe no lakou no ka Iahui Helene.