Ka Naʻi Aupuni, Volume V, Number 71, 9 ʻApelila 1908 — Na Hauwawa Olelo Politika? [ARTICLE]

Na Hauwawa Olelo Politika?

Le nui na hauwawa olelo e loheia aku nei i keia mau la īwaena o na pohai po!itika e pili ana no na Moho Elele e ;voho ai ka lahui no ka holo ana i Wasinetona e hana ai i .-.o kakou mau pono, no ka hoopau ana paha i ka kakou o>eIo makuahine, a i ole, no ka hoomau ana aku paha ma na hana kau kanawai o ko kakou Ahaolelo. Ina ko oukou he makemake e hoomauia ka mana ana o ka kakou olelo makuahine ma na hana koho balota a kau-kanawai paha, e koho pololei ia Kahiliaulani i Elele Lahui na kakou; a ina hoi, no ke ka-make loa, e koho aku i ua mau elele la, o Iakou laau kalakala like wale no ia. He nui ka makaala o keia poe ma ka waiho ana i ko lakou mau inoa i mau moho elele, elike me Robikana ame Kuhio, na ka aoao Repubalika; a o Kini ame McCandIess na ka aoao Demokarata; a owai la o lakou ke waeia aku ana e ua mau aoao laau kalakala nei ma keia mua iho? O ka makou hoomaopopo no keia poe inoa, o lakou nei na Poo alakai kalaiaina o ua mau aoao la i ka wa i hapaiia ai ka mnau pili i ke ola o ka lahui mawaena o Walaka ame ka x"apa Ola, ua ekekei ae la lakou nei a holo pee me k» ae ole e kakoo ia Walaka i ka wa i noi ia aku ai no ka hui ana o na poo alakai kalaiaina, a ua hoopuka ae kekahi i na huaolelo piha makona maoli. Aohe noonoo nui ia ka pilikia o ka lahui i ke kanawai hoohuoi ma'i lepera. A ma na hana koho balota, he alawiki hoi kau i ua poe la, — he elele o mea, a he mea o mea, a pela aku, a pau pu me na poe ike ole i ke kanawai a ku ole i ka hoihoi ke ike aku i ka hapukuia. No Kahiliaulani, ua ike oukou e ka lahui i kona paio ana me ka wiwo ole no ko oukou poe pilikia, ame ka naka haalulu ana o ua poe la. E malama i ko oukou mau puunona — a e kakoo hoi iaia me ko oukou mau mana koho balota ma ka la e hiki mai ana.