Ka Naʻi Aupuni, Volume V, Number 70, 8 April 1908 — Masiliona ke Koa A ME Maganolia ka Ipo ! MOKUNA IV [KOOMAUIA] [ARTICLE]

Masiliona ke Koa A ME Maganolia ka Ipo ! MOKUNA IV [KOOMAUIA]

Hoomau mai la ua kanaka nei i kamailio ana no ke kulana pioo o ka Moi, na hoa o ka aha kuhina ame ka lahui holookoa, no ka ulia ^opilikia i kau iho maluna ou (Ma 'siliona) ame Maganolia. Ua koi ikaika maoli kekahi mau alii alakai o na pualikaua aupuni e hoomaka koke ka nee ana o na koa no ke kuekaa ana iloko o na ululaau, na oawa , 'na mauna a ma na wahi no apau i mana 6 ia, he mau punana wela ia no na poe hookahuli aupuni. Aka, ua hoopau wale ia keia manao, mamuli o ka loaa koke ana ae' o ka lohe i ke aloalii u^ lilo maoli oe i na enemi o ka nohoalii, a pela hoi me Auna ame Maganolia, a e hoopakeleia ana no nae oe ame Maganolia, oiai he mau hoaloha kou mawaena o ka puulu o ka poe hookahuli aupuni. A i hai aku au ia oe, e kolmakou haku a alihikaua nui, o ke kanaka nona keia wahi, oia hoi ke kahuna o ka heiau. o Zeuma, oia no ka mea e oni nei i ka nohoalii- o He lene nei. j I kela wa, lohe aku Ia makop i ke kani ana mai o na • melodia a'u mē Maganoiia ame na wahi kanaka, Aremana ame Papine, i lohe mua ai, a ua puai hou mai la nohoi na( leo himeni, a poha mai la na huaolelo: "Pela io no!" He ekolu manawa o ka hoopuka ana mai o ua'mau leo nei i keia hopunaolelo "Pela io no," a puana mai la he puali okoa aku, me he mea la hoi, aia lakou iluna lilo Ioa o ka lewa, i ka huaolelo. "Amene — Haleluia — Amene." Ua lilo kaia mau melodia ame na leo himeni, a pela pu hoi me na huaolelo. "Pela io no," "Amene" me "Haleluia," i mau mea hoopioo ae i ko'u mau uoonoo, a pela nohoi me ko Maganolia. A no ke kanaka nana na huaole lo i paninaia mai ai i na huaolelO "Pela io. no, Amene, Haleluia," aohe wahi hiohiona a helehelena ano e maluna ona. Alaila, hoomau hou mai la no ua kanaka nei i ke kamailio ana, penei: "O keia kanaka a'i^ i hoike aku la ia oe, oia kekahi o na koko alii kiekie loa o Helene nei. Ua halawai no oe me ia. O keia ke alii i heluia kona ike kaka pahi ame kona ike hoonohonoho kaua, ma ka papa kiekie loa o na loea kaulana loa ma keia hapa poepoe o ka honua nei. Aka, o oe e Masiliona, ka mea nana i hoohaahaa i kona akamai ame kona ike. Ae — ua hoopa kau pahikaua i kana pahikaua, ua hakoko hoi kou akamai me kona akamai; a ua ike oia, o ka alihikaua i laweia mai Europa mai i alakai no na koa aupuni o Helene nei, he kanaka puuwai koa oia me ka wiwo ole. A no ia mea, ua aloha oia ia oe, a ua paulele hoi maluna ou. A i hoike aku au ia oe, aia a hoea mai ka wa ana i hoopaa ai i kana olelo me oe, oia kona wa e hoao ai i kou ikaika hakoko lima maoli m6 ke kanaka nunui ana i paulele ai. Ina hina kela kanaka ia oe, alaila, e hookuu ana oia i kana mau koi apau maluna o ka nohoalii. Aka, Wla hina ana'oe i kela kanaka nunui, o ka|wa no ia ou e hoopaaia ai ma kahi paa loa o loko o na pakaua o kei& elii Helene. Aka, ma ko'u manao nae, o oe no ke lanakila tna. Ia wa kani hou mai la na melodia ame na leo himeni, a lohe hou aku la makou i na huaolelo: "Pela io no — Ame ne — Haleluia." "Ano, e kuu haku," wah'i no a ua kanaka nei i hoomau mai ai i ke kamailio ana, *'ua hooko iho la au i ka'u misiona. Ua pau ka'u hana, a e hoi ana au ma ke ala a'u i hale mai nei." ' ' i \

Iaia i haawi mai ai i kona aloha hope ia'u, oia ka wa a Aremana ame Papine i hoea mai ai me ko laua mau ma kaukau apau. Alaila, huli aku la ke kanaka Helene a kamailio aku la ia laua: "Aloha olua, ke ike aku nei au ma ko olua paikini, eia olua ma kekahi huakai hele uhai holoholona. 0 na po maikai e loaa ana ma ka olua huakai, na olua no ia e hauoli iho. Aole hiki ia'u ke noho iho no ke kali ana i na po- . maikai e loaa ana ia olua. A mamua o ko'u haalele ana iho i keia hale, eia i ka haku nei o kakou ka'u mau olelo , apau i hoike aku nei. O ke aloha ko oukou apau. au ke hoi nei. Iloko o ka manawa pokole, ua huli ae la ua kanaka nei a puka aku la iwaho. O makou hoi ia wa, ua oili aku ia makou mai loko aku o ka rumi hookipa. Ua paa kuu pahikaua ma ko'u aoao hema, oiai ua kaei ia ae kona apo ma ko'u puhaka. Kaalele iho la makou i ka hale, a hele aku la makou i ka holoholo maloko o ka ululaau. A oiai makou e hele . ana, huli ae la au a kamailio aku la ia Aremana i ka i ana 'ku: Nani wale hoi ka pololei o ka lohe o kou pepeia, e Monesiu Aremana, a ke haawi aku nei no au ia oe ī ka'u mau hoomaikai ana. Aole nohoi he wahi pokipoki keia o ke kolo ana mai nei. AOLE I PAU.