Ka Naʻi Aupuni, Volume V, Number 62, 27 March 1908 — Masiliona ke Koa A ME Maganolia ka Lpo ! MOKUNA IV [ARTICLE]

Masiliona ke Koa A ME Maganolia ka Lpo ! MOKUNA IV

"Ua pane aku la hoi au iaia me ka maka'u ole, ame ka wiwo ole nonoi, penei: E ke diabolo! Elike me ka lilo ana o ke Akua pono i enemi no Satana hewa; pela i lilo ai ka poe pono i enemi no ka poe hewa a lapinwale ino loa a'u i ike ai, elike la me kou ke ano. Ke kaena nei oe i kou mana; aka, he mea ole kou mana i ko ke akua o ka poe no. Aole loa oe i helu ia e ke ino nui a lapuwale. A<^b loa e hiki i kou wahi mana omilumilu au e kaena nei ke kau mai i kou mau wahi lima palupalu maluna o'u nei, e ke ino. Aole. "Ano, e ke diabo!o, e haalele koke iho oe i keia wahi, a e hoi aku oe ma ke alahele au i hele mai nei; a i ole, e hoolei koke aku no au i keia pahi puhaka a kapoo aku maloko o kou puuwai e ke ino me ka hala ole. Ua ike oe, e ke diabolo, e ku mai nei imua o'u, he mamo au a he hiapai ole na ka poe i kaulana loa no ka hoolele pahi pololei, i like loa ak'u me ko Sepania poe. E wiki e hookaawale aku e ka lapuwale nui, a mai hookaulua hou iho oe, e ke diabolo ma keia wahi. Ia u nae i kamailio aku ai īaia i keia mau huaolelo, aia no ka maka'u ame ka hopohopo ke oni kapalili la iloko o ko'u houp'o. Ia'u e noke ana i ke kamailio ame ka Iiooioena ae i ko u kulana ame ko'u ano nohoi apau imua o kela kanaka puuwai eleele, he pono hooikaika wale ae no ka'u ia waT Eia no nae, aia no ko'u hilinai nui maluna o ko kaua akua, ke akua hoi o ka poe karistianb oiaio. I ka puka ana'ku o ka'u kipaku ame ka'u wahi olelo hoo\/ei;weli ano mama loa paha, ka olelo hoi a kekahi daimonio ino, elike me Auia ke ano, e hopo ole mai ai a e ma ka'u ole mai ai hoi, ua hoakakuuia mai la ko'u pihoihoi nui mamuli o ko'u ike ana'ku i ua diabolo nei e huli ae ana a haaleie mai ia ia u. I kona hiki ana'ku nae i ka puka komo o ke keena o u i hoopaaia ai, ua huli hou mai la ua diabolo \ nei a nana mai la ia,u me na maka i hele a ula weo i ka puaikokoi holo puni ae i kona mau papalina ame kona mau onohi maka. Alaila, paue mai !a oia: E Maganolia, aole e liuliu ka manawa mai keia wa aku a ike oe i ka hopena awahia o kau mau huaolelo i hoopuka mai nei imua o'u. O kou wa auanei ia e hooiaio iho ai i ka nui o ko'u mana ma keia wahi a ma na wahi apau a ko'u mau kapuai e nee aku ai. A°le paha oe i poina e Maganolia, owau ke alii nui o na P°wa o na mauna Pirene, a he hoa hui hoi au no na Helene oiaio o keia aina au ame ko wahi kane puuwai hohe a maka'u wale i hoea mai nei ia nei e hooio ai. A — " Aole nohoi i pau pono loa mai kana mau huaolelo i make make ai e noopuka mai, aia hoi; pane e aku la au iaia me ka maka'u o.'e no ame ka hopohopo ole' nohoi, i ka i ana'ku. E ke kanaka puuwai eleele, ua oki kau mau olelo. Aole o u makemake e hoopuka hou mai oe i kahi olelo īmua o'u īke aku la au i ka mino aka pahenehene ana mai o ua kanaka nei, a mahope nee hou mai la oia ihope me he mea la^e hele mai ana oia a lalau lima maoli ia'u. I kela wa i komo iho ai ka mihi ana iloko o'u no ko'u pupuahulu l°a ma ka hoopuka ana'ku i ka'u mau olelo; aka, ua ku aku la no nae au imua ona me ke kali ana no kana mea e hana mai ai maluna o'u. Aka, ua ku iho la oia rma kahi, a°le no i ka^wale Ioa mai ka puka komo mai, alaila, nana mai la oia ia'u me ka haikea pu ana ae o kona mau helehelena apau, a pane mai la oia:

Aole io no e liuliu ka manawa mai keia wa aku a hoomokumokuahuaia kou naau. A oia keu wa e nahu ai i kou lehelehe iho me ka ehaeha loa o kou naau. A- i hai aku au ia oe, ua aloha au ia oe, e MaganoIia, a e hiki mai ana ka manawa, aole nohoi i liuliu ioa ia wa mai keia wa aku, a liio no oe i wahine — ae — i ipo aloha na Auria nei. O kona wa ia i huli ae ai me ka hikiwawe loa a puka aku la ia mai loko aku o ka rumi. I kona puka ana'ku, paa mai la ka puka, ua pouli loa iho la o loko o ka*rumi o u i hoopaaia ai. A he keu, ke puanuanu o kuu nui kino apau i ka ike ana iho i keia poipu ana iho o ka pouli ia loko o kahi a'u e noho ana. Ea. e kuu Masiliona, owai ka mea hiki e hoike mai ia'u ia wa, aia no he ipuka a he mau ipuka huna e ae ma kekahi mau wahi e ae o loko o ua keena nei e hiki ai i na powa ke komo mai, me ko'u ike ole a lawe ae i kuu ola; a malia o Auria no ka mea nana e hana mai ana ia hana? Ia wa i kukuli koke iho ai au ilalo a nonoi ae la au i ko kaua Akua e kiai mai kona aloha ia'u, i Kana kaikamahine. Ia manawa olelo; aku la au i ua Maganolia nei au: He wa pouli no kela au e hoomaopopo iho ai e Maganolia, oiai he po kou wa i hopuia ai a paa. A o keia mala^nalama au i ike ai, aole ia he malamalama no ke ao. Me he mea la, he malamalama ia no kekahi mau ipukukui i hoopaaia ma kekahi mau wahi he nui o loko o kahi ou, e kuu aloha, i hoepaaia ai.