Ka Naʻi Aupuni, Volume V, Number 61, 26 March 1908 — NA RULA HOOKEONIMANA. [ARTICLE]

NA RULA HOOKEONIMANA.

O "ke kumu nui o ko makou hoopuka ana i keia mau rula ma na kolamu o ka kakou nupepa nei, mamuli no ia o ko makou hoomaopopo ana i ka nui o na hemahema ame ka makaukau ole maoli o kekahi poe iwaena o keia lahui, mai ka poe lifjii mai i loaa ka naauao a na poe o'o. Aole hoi he olelo nui ana no na poe i kknikoo, ua laupai ko lakou mau la. a ua kahiko. aka, no na kama-u'i ame na kama-opio o keia*mau la, na kama kane ame na kama wahine, na keiki hoi i loaa na hoonaauao maikai ia ana a, e pii ae nei i ke kulana kanaka makua no lakou keia mau leo kahoahoa. Ua ike maoli makou i'U^# hemahema o keleahi poe keiki a hoopepe wale, hiki ole ke kamailio, ku lohaloha iwaena o na anaina kanaka me ka maopopo ole o ka mea e hana ai, a he ku maoli no i ka hilahila ke ike aku. 0 ka poala ana ma na alanui ame na anaina o ka poe lapuwale ame ke pa ki-ke i na makua, oia ka hana maa loa a kekahi poe keiki, a ma ka hele ana i na anaina maikai, he hemahema loa. Heaha iho la ka waiwai o ka luhi ana a ka makua ame ka hoo una ana e a'o i ka ike, ina iho la pela ke kulana ame ka hana a na keiki'? Ke man o nei makou, e lilo ana keia mau rula i mea waiwai nui i ka poe apau e heluhelu ana me ka uhane ike • ame ka noomaopopo. No ka poe e hele ana iloko o na halau hoonani i ke Akua, no lakou keia mau olelo malalo iho, maniuli 0 ko makou maa i ka hana a kekahi poe walaau ano ole ame ka hoohaunaele iwaenaN? na anaina haipule o kekahi hoomana okoa aku i kue i ko lakou. Aole loa he pololei oia mau ano hana hookiekie: \ /\ ka wa e hele ai o kekahi kanaka iloko o ka halepule o na hoomana e aku, e akahele loa oe nou iho, ma ka hahai ana aku iloko o ko lakou anoano eehi'a o ka haipule ana. Ina he hoomana ku ole kou iluna a kuku'.i ole, ke komo oe iloko o kekahi hoomana e aku, ina lakou e ku ana iluna, e ku pu ae oe iluna; ina e kukuli ana lakou ilalo, e pono oe e kukuli pu aku me lakou. Mai hoowahawaha ke kanaka i ke alakai ana a kela kahunapule i kona poe hoahanau ma keia ano, no ka mea, e hoormana ana kela Eahunapule i ke Akua. a o ke Akua pu hoi kau e hoomana pu nei, aole o ke kahunapule.