Ka Naʻi Aupuni, Volume V, Number 60, 25 March 1908 — Hanau Pu-Kolu na Keikil [ARTICLE]
Hanau Pu-Kolu na Keikil
— Ma ka La Sabati i hala, Maraki 14 paha, wahi a ka hoikeia mai ia makoa, ua hanau mai la na Moku, he wahine Hawaii opio, a o Ah Sam kana kane, he ekoiu keiki, he elua keikikane a he hookahi kaikamahine. Ma alanui Kula kokoke i alanui Liliha i hanau mai ai keia poe keiki, me ka maikai o ko lakou mau ola, a pela nohoi me ko ka makuahine. He ano liilii no a pananaiki ke kino o keia p0e pulapula hou, ma kahi paha o ka eono paona ke kaumaha. Mahope iho o ka pau ana o na hooponopono ana i na keiki, ua haalele aku la ka makuahine i ua poe keiki la malalo o ka malama ana a kekahi ohana ona, a hoi mai la oia me kana kane no ko laua wahi ma alanui Pauahi. Mai ia wa mai ko laua ike ana i ka laua mau lei, a hoea mai nei i keia mau la iho nei, pii hou aku e ike, eia naeua lāwe ia aku la e hanai ma kekahi wahi okoa i maopopo ole.