Ka Naʻi Aupuni, Volume V, Number 58, 23 March 1908 — Masiliona ke Koa — A ME- Maganolia ka 100 ! The Moaieie no na Paumai Hopo on ane [?] [?] [?] [ARTICLE]

Masiliona ke Koa — A MEMaganolia ka 100 ! The Moaieie no na Paumai Hopo on ane [?] [?] [?]

MOKUNA IV Iho aku la makou ma kahi alanui nani i hanaia me ka maiau loa, a hiki ilalo o ke oawa. Hele pololei aku la ma kou a hoea i ka hale nani a makou i ike mai ai mai luna mai o ka pali; a la wa i pane mai ai ko makou kamaaima. E ke alii, aia ko oukou hale e noho ai. Ua lako na mea apau a oukou e makemake ai maloko nei o keia hale, a no kekahi mau mea e ae a oukou e makemake ai, e loaa no ia me na pua pana a kou mau wahi kanaka, eMasi!iona. Aole oukou e ike hou ana ia'u a hala na la elima mai keia la aku. Aka, iloko keia mau la elima e halawai ole ai kakou, he alo a he alo, he maka a he ipaka, e ike ana no oe e Masiliona i ko'u mau manao. A mamuli auanei oia mau manao e alakaiia ai oe. A ma kou wa e ike hou ai ia'u, oia ka la au e ike ai i' ke auhee ana o na powa mai loko aku nei i ka aina o Helene. A mamua ae hoi o ka piha pono ana o dekana la (ka piha ana o ke anahulu la) e hala aku ai ka Moi e noho nei maluna o ka nohoalii o Helene nei. Aloha oe ame kau Maganolia." O ka wa no ia o ua kanaka la i nalowale aku ai o ua kanaka nei mai ka makou ike ana aku. A hala ua kanaka kamahao a kupaianaha nei mai a makou aku, ua hoi aku la maua me Maganolia no loko o ka hale. Ia maua, i komo aku ai iloko o ua hale nei, ua ike iho la au i kekahi * °uli maikai i heKau iho maluna o'u, oia hoi, ko'u ike ana ih° ia manawa me he mea la, he hale ia ua noho mua ia e a u a kamaaina. Kai nohoi owau wale no kai ike i keia haawina, eia ka hoi o Maganolia no kekahi; oiai, ua olelo mai la oia la'u: "He keu ka hoi ka mea ano e. Me he la hoi ua kamaaina mua i keia wahi." Ua hooia aku la au i kana (Maganolia) i hoomaopopo mai ai ia'u, me ko'u olelo ana'ku nohoi i ua^aloha nei au i ka i ana'ku: ' , "Eia kaūa, e kuu aloha, ma kahi e hiki ai ia kaua ke olelo iho me ka oiaio ame ka hemahema ole o ko kaua home keia; a he wahi kupono maoli keia no kaua e noho ai." Ua hoomaka koke aku la o Maganolia e hele makaikai a loko o ua hale nei, e naha hoi ia loko o kekahi mau keena, e laa ke keena aina, keena kuke, na keena moe, a na keena hooluolu a heluhelu buke a pela aku/ O keia mau keena apau, ua hoolakoia no me ko lakou makaukau. Aia maloko o ka hale kuke na hua ai o na ano apau, na io holoholona momona ame na lako mea ai apau e pono ai ke pakaukau ai o loko o ka nohona home. Ua ike iho la o Maganolia, ua lawa laua me na makaukau apau e pono ai ko Iaua n°h° ana ma ia home. Mahope iho o keia makaikai pono ana o Maganolia i na keena ana i hele aku ai e nana, ua hoi mai la oia a hoike mai Ia ia'u i na mea apau ana i ike ai, a ua oluolu hoi kona manao no ia mau mea apau. Alaila, olelo mai la oia/ia'u i ka i ana mai: O na wahi hoaloha o kaua, oia hoi', o Aremana ame Papine maloko o keia hale e noho mai Iaua me kaua." Ua ae aku la au i kefa mau manao apau o Maganolia. A elike me kana hoonohonoho ana pela i hookoia ai. Mamua o ka hoea ana mai o ka aina ahiahi, ua hoohikileleia • ae la ko maua mau noonoo, oia hoi, ko'u ame ko Maganolia, i ko maua lohe ana'ku i ka nakeke ana mai o na pa. na pahi, na kiaha a pela aku iloko o ka hale aina:| Lohe aku la nohoi maua i k^, nakeke mai o na mea paahana iloko o ka hale kuke. A ia wa i pane mai ai o Maganolia ia'u:

He mea auo hoopahaohao loa ka hoi keia ia kaua. Eia kaua ke lohe aku nei i keia mau nakeke apau o na pa, na bola, na pahi, na o, na puna ame na mea e ae apau e pono ayka papa ahaaina; a owai ka poe na lakou e lawelawe mai nei i keia mau mea. Nolaila, e pono au e hele ae e nana i keia mau mea hoopahaohao i ko kaua mau noonoo.', Pane aku la au i ua Maganolia nei: "Aole paha keia he mea ano hou ia oe ame a'u. He oiaio, he ano pahaoha° io no keia mau hana; aka, malia he mau hana no keia na ko kakou kamaaina ka mea hoi nana i hookipa a i ^heon°ho ia kakou maanei. O ka oi aku o ka peno, e kuu aloha, o ko kaua kali iho a hoea mai ka wa maopopo e hiki ai k° kaua mau noonoo hoohuoi ke hoopauia ae. A ina he manao hoopaakiki loa kou, e kuu aloha, ma keia mea, alaila e aho owau o kaua ke hele ae e nana i nei poe e hookauwa mai nei na kaua. Ao!e i pau.