Ka Naʻi Aupuni, Volume V, Number 54, 17 March 1908 — Poino Mamuli o ka Poi Palaoal [ARTICLE]

Poino Mamuli o ka Poi Palaoal

L" a loaa mai ia makou kekahi nuhou ano nui mai ko makou hoaloha mai o ka Poli Lauae o Makana, e hoike . ana i ka poino i pahola ae maluna o kekahi mau ohana mamuli o ka ai ana i kekahi eke palaoa mai ka halekuai Kepani mai, i hana poi ia, elike me ka hana a kekahi poe Hawaii e lawelawe mau nei, a oia ka makou e hoopuka aku nei no ka pomaikai o ko makou poe heluhelu: w . 181 Mr. Lunahooponopono o kn iUwahiwa a ka Lahui — Aloha oe: . E oluolu mai i kekahi keena kaawale o kau pepa, no keia wahi anoai o ka Poli Laua'e o Makana, oia iho keia. Ma ka la 19 o I'eb. i haia, ua hele akn o Upai Napuaoniole, k, i ke kuai eke palaoa i Mainiha. ma ka hale kuai Kepani, Natasuti, a hoi mai me ke eke palaoa hoomoa a hui me ka poi, a i ka la21 mai hoomaka e ai, no ka mea ua awaawa niaikai ka poi pa laoa i huiia ai, aohe mau anoe i iki ia, oiai lakou e ai ana, a i ka maona ana, hooniaka mai la ke ano e, wale nni ka waha, we la ka opu, a hoomaka e luai. O ko lakon nui ma keia ai ana, he 4 lakou: Mr. ame Mrs. Upai me ka moopuna ame hookahi Korea, ua nui ko lakou pihkia ma keia ai ana i ka poi paiaoa, a ua kokoke lakou e make. Ma ka la 29 mai, ua hoouna aku o Pa Nui, i kana Eva e kii i ua poi palaoa nei e lawe mai na lakou, no ka manao kuhihewa, no ka opu no o kela poe mua ka ma'i i luai ai a kokoke make. Ma keia ai hope ana, ehiku ko lakou nui; Mr. ame Mrs. Pa Nui me ka moopuna, Mrs. H. Kanehe me na keiki elua, me Mr. Hailama. Ma keia ai ana, ua like no me ka phe mua ka pilikia a kokoke make, ao'e hiki ke ku i luna, he kolo ka heie e hiki ai, o ka noke i ka luai me ka hi pu, ua hoao ia ua palaoa nei e palai no ka inu kope ana. oia like no ka pilikia. Ua manao ia ua hookomo laauaiake ia o loko o keia eke palaoa. O na mea aloha loa ma keia pilikia, oia no na pepe liilii, hookahi 3 makahiki, hookahi he hookahi makahiki, oiai, na kupuna me laua like iloko o keia pilikia, aole hiki pono na kupuna ke malama aku, oiai ua pilikia. I ke kiloi ia ana o keia poi palaoa i loko o ke kahawai, o na ano i'a apau e ai aoa ua pau i ka make, me he ala, ua hana ia me ka Hola me ka Akia, na laau hoom» ke i'a, o ke kai ame na kahawai. I ka wa i lohe ai o ke Kepani nana keia palaoa i keia pilikia, ua kauoha mai oia e hoihoi aku ke koena i koe o keia eke palaoa, a ua hooko ia aku. Aka, mai oi aku ka pono, e waiho ia a na ke Kauka e nana, i ike ia heaha la ke ano o ka mea i hui puia me keia eke palaoa kaukaweli. He ma-u wahi anoai ia o ka Polilauae o Makana, me ke aloha i na keiki lima uwila o ke Kuokoa Home Rula. Good bye a hui hou aku, Kiu hqli mea hou, LAEHALA-0-NAUE. March, 9, 1908. ■■■ T