Ka Naʻi Aupuni, Volume V, Number 52, 13 March 1908 — Me na Pomaikai o ka Makahiki hou [ARTICLE]

Me na Pomaikai o ka Makahiki hou

i |ftasiIiona ke Koa i — A ME — VLag:aiiolia ka Ido I ns Wooleio no Kā Pauuiai Hopo 01« sae te Alone ftei« MOKUNA IV He oiaio he koko Helene, aia iloko ou; aka, aole nae hiki ia koko Helene iloko ou ke hoopakele ae ia oe mai ka ^hoopai e kau aku ana maluna ou. E hoomanao, hookahi hora mai keia wa aku, oia kou wa e laweia aku ai no kou hoopaiia ana; aohe hoi e hiki i ke Akua o na Karistiano ke hoopakele ia oe. He hapalua hora hoi mai keia wa aku e laweia mai ai ona mau mea ai nau. E ai oe a e inu hoi, a e hauoli iho no kahi manawa pokole ma keia ola ana, a kiola aku makou i kou ola iloko o ka mau loa. He mau huaolelo oolea keia i loheia aku e kuu mau pepeiao; aka, o ka weli nae o ia mau huaolelo i luia mai imua o'u, he mea ole no ia ia'u: Elike no nae me ka'u i hoakaka mua ae nei, e aho ko'u make ana ma o ka pahikaua la mamua o ko'u make ana ma ka umi maoli ia ana iho, a ano e ae paha; pela no ka manao e upu ana iloko o'u. Haalele mai la ua mau kanaka nei ia'u. Paa hou mai la ke pani o ke ana a'u e noho ana, a pouli hou ae la o loko o ia wahi apau. He hapalua hora paha mahope iho ia wa nakeke hou ae la na kaulahao a'u i lohe mua ai, a hemo ae la hoi ke pani o ke ana. Komo mai la kekahi kanaka me kekahi pa mea ai ame kekahi omole waina. E ku ana hoi kekahi kanaka mawaho ma ke ano he koa kiai paha ia no ko'u wahi i hoopaaia ai. I ka waiho ana iho o ua kanaka nei i ke pa mea ai iloko, ame ka omole waina, olelo mai la oia: Eia kau mau mea ai, e ai oe elike me ka mea hiki ia oe He wa pokole wale no kou i koe a laweia aku oe no kahi e hiki ole ai i ke Akua o na Karistiano ke hoopakele ae ia oe. Ia wa pane aku la au i ua kanaka nei: "E ae mai w anei oe ia'u e ninau aku au ia oe i kekahi ninau?" "E ninau mai oe ia'u, a malia e hiki ana ia'u ke pane aku i haina kupono no kau ninau," wahi a ua kanaka nei i paue luai "O ka hora ehia Ia keia?" i ninau aku ai au iaia. pane mai la ua kuene nei: "O ka hora 12 keia o ke awakea. Pehea la he ninau hou ae anei kekahi au e ninau mai ai ia'u? Ae aku la au, a ninau aku Ia au penei: "O hea Ia nei wahi o'u e hoopaaia nei? Aole anei keia o kahi hoolulu o na kanaka Helene oiaio e makemake nei e loli ae ke kulana aupuni mai kona ano e ku nei i keia wa a kaa hoi malalo o ka lakou alakai ana?" V

Huli ae la ua wahi kuene nei a nana aku la i waho, ame ka hikiwawe loa nana mai la oia ia'u, a pane mai la. 0 keia kahi o ia poe, a he kanaka mai Sepania mai ke alakai nui. I ka po nei no i hiki mai ai oia ia nei; ma ka wa hookahi nohoi i laweia mai ai oe ia nei. E hookuu aku au ia oe e ai. E ai oe i keia mau mea ai me ka hopohopo ole. He oiaio, ua pololi maoli ia au ia wa; a o ko'u manawa ia i ai iho ai i na mea i laweia mai na'u. Ua pau keia mau mea ai apau i ka ai ia e au; a ua pau pu me ka waina 1 ka inu ia e a'u. 0 kahi kuene hoi i ko'u wa e ai ana, ua puka aku la oia iwaho a ku aku la me ke koa kiai. I ka pau ana o ka'u ai ana, ua maona maikai mai la au; a mamuli hoi o na oolopu waina i komo aku iloko o'u, ua mahuahua. maoli ka maikai ame ka ikaika iloko o ko'u kino. Ia wa i ulu ae ai na noonoo ana iloko o'u no ke ano o ka hoopai, oia hoi, o ka hana lawe ola a nei poe hookahuli aupuni e kau mai ai maluna o'u. Noonoo ae la nohoi au ia manawa no ke kanaka Sepania i lilo i alakai no keia poe hookahuli aupuni, a hoohuoi iho Ia au iloko o ko'u naau no keia mea. Owai la nei kanaka Sepania i loaa iaia keia kulana kiekie mawaena o na kanaka Helene? Ua kii mai la ke kuene i na pa mea ai ame na lako apau i laweia mai ai ia mau mea e ia, a hoiho aku la; a pane mai la oia ia'u: "He umi a he umikumamalima minute mahope aku nei o ko'u wa e haalele iho ai ia oe, e hoea mai ana he kanaka Helene me ka mana o ka oihana kahuna o ko makou mau kupuna, a ina he makemahe oe e waiho i na mea e pono ai kou uhane iloko o kona lima, alaila, e hana oe pela." Hoi aku la ua kuene nei me na pa mea ai, a paa hou mai Ia nohoi ka puka pohaku; a noho hou iho la au iloko 0 ka pouli. He wa Ioihi wale ia o ka'u noho ana, aia hoi, hemo mai la ke pani pohaku, a komo mai la kekahi kanaka 1 aahu ia me kekahi kuka loihi, a ua paa kona maka i ka uhiia iho i kekahi uhi maka eleele. E paa ana oia he lama lama kuku; ma kona lima: Hele mai la oia a kokoke ma ka'u wahi e noho ana, a ia wa oia i pane mai ai ia'u. "E hoolana, e ka makamaka, i ka manaolana. He oiaio, o kahi e laweia aku ai oe no ka hopena i silaia maluna ou, he wahi mamae >oa ia mai keia wahi aku. Mawaena oia wahi ame keia aua e noho nei, ua piha i na mauna, na oawa hohonu . e: na muliwai e olokeaia ana hoi ia mau wahi apau e na uiulaau nunui hihipea. A malaila oe e olokaa ia ai ilalo. Ke hoea oe i kahi e laweia aku ai oe, ua maopopo loa aohe hoi hou ana mai i hope nei, a ma kekahi olelo ana hoi aohe manaolana no ke ola, o kou laweia ana keia a hanaia aku elike me ka'u i hoike aku la. O ka ipuka ia e palemo iho ai ke ola o ke kanaka e hoea aku ana ilaila, elike me oe laweia aku ana, a nalo i ka pouli mau loa.