Ka Naʻi Aupuni, Volume V, Number 51, 12 March 1908 — E HOOUNA MAI [ARTICLE]

E HOOUNA MAI

Mamuli o ka nui o na kauoha nupepa i loaa ,mai ia makou mai na mokupuni mai, ua hoemi Ioa ia ka ipluua o na pepa i koe ma ko makou keena nei o ka nupepa Kuokoa HOME Rula o keia makahiki 1908, mai ka 200 kope mai a oi, a ua emi loa a koe wale no he 6 kope o ka Helu 8, a pela me ka Helu 6. O na poe i loaa na kope mua, ua loaa ia lakou ka hookumu mua ana o ka moolelo kaulana o Hiiaka-i-ka-poIi-o-Pele, kekahi o na moolelo i ohohia loa ia e keia lahui, a i lilo i mea aloha loa ia e lakou keia wahine a ka ui ame ka nani nui wale o Hawaii nei. Ke hauoli nui nei makou i ka ike ana i keia ohohia nui na makamaka i ka kakou wahaolelo i nei hoomaka mua ana no o ka makahiki hou. Ma ka pule aku la i hala, Ua paa maoli ia ka pepa i ko makou mau keiki kuai pepa, aohe ' »

ae ia e kuai, i mea e hiki ai ke hoolawa aku i na poe kauoha pepa e hoouna mai nei ia makou. Eia makou ke hoomahuahua mau nei i ke pa'i ana i ka kakou nupepa i keia manawa. No ko makou makemake e hoolawa mau aku i ka iini o na poe kauoha nupepa, ke kauohaia aku nei ko makou mau luna pepa e paa ana i keia mau helu i hoikeia ae la, e oluolu e hoouna hou mai ma ko makou keena nei, a e loaa no ka uku kupono.