Ka Naʻi Aupuni, Volume V, Number 48, 9 March 1908 — Masiliona ke Koa — A ME -- Magauolia ka LDO ! The [?] no na [?] Hopo [?] [?] [?] kiona [?] MOKUNA IV [HOOMAUIA.] [ARTICLE]

Masiliona ke Koa — A ME -- Magauolia ka LDO ! The [?] no na [?] Hopo [?] [?] [?] kiona [?] MOKUNA IV [HOOMAUIA.]

O ka mea a kou mau onohi maka e ike Ia, aole ia he ia he uhane; aka, he mea koko no ia elike me oe ame a'u e noho nei maloko o keia keena. O ke kanaka kela au i koi mai nei ia'u e hoike aku au ia oe, i hiki ai ia oe ke haawi aku i kau mau mihi ana imua ona no na hewa au i hana aku ai iaia. Nolaila, e Ferone, o ka Naita de Masana kela, ka mea e paa nei i ke ki o kou ola ame kou make ma keia aina malihini. O ka wa pono keia e hui ai oe me ia. Aka, mamua o ka hiki ana ia Ferone ke hoopuka mai i kekahi huaolelo, oia ko'u manawa i kahea aku ai iaia me ka olelo ana aku: E kuu hoapili iloko o ka make ame ke ola, e kuu Ferone hoi, ke huikala aku nei au ia oe me kuu punwai apau. A ke apo hou aku nei no au ia oe i hoaloha mau oe no'u, elike no me ko kau? wa i hele kokoolua mai ai mai ke alo mai o ko kaua haku, oia hoi ke Kauna Kadilaka. A o ko'u manawa no ia i hele aku ai e halawai me ua hoaloha kahiko nei o'u. la'u e hele aku nei, ke ike aku la au i ka hiolo ana mai o na waimaka ma na papalina o ua wahi hoaloha nei o'u. Palulu ae^a ola i kona mau lima i kona mau maka. Hele aku la au a kau iho la i ko'u lima akau ma kona kipoohiwi hema, a pane iho la au iaia: "E Ferone, kuu hoa pili a hoaloha oiaio, eia au o Masiliona. E nana mai ia'u elike me kau i hana mau mai ai ia'u, oiai ko kaua mau la e pili ana me he hanau mua la i ka hanau muli, ke kaikaina hoi i ke kaikuana. Ua pomai kai au, ua loaa hou oe ia'u. Ano, e kuu Ferone, e ku kaua ma ka aoao o ka nohoalii o ka aina malihini i hoea mai nei kaua a i elua. "Ano, e hoolohe mai hoi oe, e Ferone, ua huikala aku au ia oe. Aohe he mana' ma Helene nei, e hookau aku i hoopai maluna ou no ka hewa i manaoia ai oe, ua* lawehala oe i keia aupuni." I kela wa i hookuu ae ai kona mau lima i kona mau maka, a nana mai la oia ia'u. A liuliu, pane mai la oia: E kuu aikane aloha, aohe a'u huaolelo e hoopuka aku ai imua ou. Aka, e hoolohe mai. Ua hewa au, a e kala mai oe i kuu hewa. O keia na huaolelo a Ferone i hoopuka mai ai me ka oiaio. Haawi aku la au i kuu Iima akau iaia, a lalau mai la kona mau lima elua i ua lima nei o'u, a lulu iho Ia oia me ka pumehana oiaio; alaila, pane aku la au iaia: O ka uhane mihi me ka pepe, he mea oluoluia no ia e ke Akua; nolaila, elike me ka mea i hoonaauaoia mai ia kakou na Karistiano, e kala ana ke Akua i ka hewa o ka mea i lawehala a i mihi hoi me ka oiaio, pela no auanei oia e kala mai ai ia oe, e kuu hoaloha kahiko. A owau nohoi kekahi e kala aku nei ia oe me kuu naau apau. Alaila, huli ae la ua Ferone nei a pane ae la i ke Kauna Kadilaka: "Ke noi aku nei au ia oe e kala mai oe ia'u no ka'u mau hana hewa apau i hana aku ai ia oe." Ua haawi mai la hoi o Kadilaka i kana mau huikala ana i ua wahi Ferone nei me ka olelo ana Aap nohoi iaia: Ke hauoli nei au, ua loaa ia kakou ekolu keia kuikahi ana. No kaua iho, e kuu Ferone, he* mau kauwa kaua malalo aku o ka hoaloha nei o kaua. 0 kana e olelo mai ai ia /

kaua, o ka kaua nohoi ia e hoaloha aku ai a e hooko aku ai hoi me ko kaua ikaika apau. I keia wa i kauoha ae ai au i ke kanaka Helene, e hoohiki aku aku oia ia Ferone ma ke ano he kanaka oia e kakoo ana i ka nohoalii ame ke aupuni o Helene; a e hookuu a « haalele ana hoi oia i kona mau manao kue apau o na wa i hala ae i ke aupuni alii o Helene. I keia hoohikii ana o Ferone apau, o ia ko'u wa i olelo aku ai iaia: ui. kuu n erone, elike no me ko kaua pili ana i kela mau la i kaawale mai ai kaua mai ko kaua haku mai o na la koliuliu i kaa hope aku nei; a hoea wale mai hoi i ka wa i hooko-o ai keia pili a kaua; a hiki mai la i keia manawa i Ioaa hou ai oe ia'u, a owau hoi ia oe, o ko kaua ano no ia e noho aku ai ma keia mua aku mai keia Ia aku hoi. Ke hauoli nei nae au, ua loaa ia kakou keia, hoohui hou ia ana, oiai he aina malihini keia o kakou. Nolaila. e Ferone, he Naita oe i hoolaa pono- ia e kekahi o na Naita kaulana loa o Farani, ko kakou one hanau. A ma ia ano, ua oi ae kou kulana i ko'u nei; koe wale no, ma ke ano he alii hanau au no ka aina, malaila wale no ko'u wahi i oi iki ae ai imua ou. Ano, e hoolohe mai oukou apau, e o'u mau hoaloha, o ke kiai makaala ka kakou haawina nui e lawelawe aku ai mai keia wa aku no ko kakou mau enemi, wahi a'u i pane aku ai imua o ua poe nei, me ko'u hoomau ana'ku nohoi i ke kamailio ana. * ,/ Aoleipau,