Ka Naʻi Aupuni, Volume V, Number 47, 6 March 1908 — Po-ha ka Pele Home Rula ma Hawaii! Aohe Laweiawe o na Home Rula i na Hana Hookae lli Malaila. [ARTICLE]

Po-ha ka Pele Home Rula ma Hawaii! Aohe Laweiawe o na Home Rula i na Hana Hookae lli Malaila.

— Ma ka hoike i ioaa mai nei ia makou mai kekahi hoaloha mai o makou mai Hilo, Hawaii mai, e olelo ana i ka pahola ikaika o ka manao lokahi mawaena o na kanaka Hawaii. O na Home Rula ka poe alakai malaila, a hui mai la na Demokarata kakaikahi ma ke kakoo ana, a' me he la nae, e Home Rula waie aku ana no na poe apau, oiai, ke Home Rula n'ei na manao ame na hana i keia wa. "Eia mai ka iono telegarapa uwaea ole ke hoounaia aku nei e Mr. Buckland, e hoike ana i ka hui lokahi o na poe apau me na Home Rula." A ma ka nupepa Buletina o ka Poa lima, Maraki 4, i ike iho ai makou i ka pololei o na hoike a ko makou hoaloha, a oia iho keia: ■ AOHE HAPAHA O NA HANA KALAIAINA PILI 'ILI MA HAWAII HlLO, Haw'aii, Maraki 6 — Ua waiho ae o Hope Makai Nui Rickard o Hamakua i kona kulana. Mamuli o kekahi manao noi kue a Lunakiai Home Rula Purdy, a i kakooia mai e Lunakiai Wood, a ua hookohu aku ka Papa Lunakiai Home Rula ia Harry Overrend ma ia hakahaka. He kanaka keokeo o Overend. BUCKLAND. O keia ka manao e hoike ana, aole he lawelawe o na Home Rula o Hawaii i na hana kalaiaina hookae ili, ma ka olepe ana ae i na haole e paa ana i na oihana a hoonoho aku i kanaka Hawaii malaila, aka, ua nana kela Papa Lunakiai Home Rula malaila ma ke kanaka kupono, haole a kanaka Hawaii paha. A ke haawi nei makou i na mahalo no keia kulana hookae ili ole. He oiaio, aole ka Aoao KaIaiaina Kuokoa Home Rula he poe hookae ili, ua wae no lakou i na haole kupono no kahi mau kulana i na wa i hala ae. Aka, o na haole ka poe hookae loa me ka olelo ana, he aoao ilihune, he poe hupo, aole hiki ke hana i na kanawai, a pela aku. Aōle nae pela e ikeia nei, o na Home Rula ka poe makaukau loa ma na Rula Ahaolelo ame ka haku ana i Ma kanawai, a na lakou e hoonaueue mau nei keia T eritore ma na mea pili kanawai, a mailoko aku o 4akou kekahi poe naauao loa a ike kanawai e noho nei iloko o ka aoao Repubalika ame ke Demokarata, elike me Fred. K. Beckley, Sol. Kaleiopu, W. Mossman, John Wise, a pela al<u, a pela aku. O ka mea maopopo loa e olelo ae ai, eia ma Honōlulu nei ame Maui e lawelawe ia nei na hana hookae ili ame na hana alunu oihana e kekahi poe haole. Aole o na kanaka hookae ili, o lakou ma no ka ' hookae; a i hooiaio no keia, e nana aku i ke au o ka nohealii ana 6 na Moi o Hawaii nei. *