Ka Naʻi Aupuni, Volume V, Number 47, 6 March 1908 — Masiliona ke Koa - A ME - Magnolia ka Ipo ! [ARTICLE]

Masiliona ke Koa - A ME - Magnolia ka Ipo !

tif (hooieio »c aa hopo Dit eae t» A1cds Vei« MOKUNA IV [HOOMAUIA.] Ae aku la au. Hoomau mai la no oia i ke kamailio ana. Ae, o kela poe kanaka ma ka'u koho wale, he poe aiakai powa kela, a he poe kanaka Sepania kela i ko(u manao. Aole nae hiki ia'u ke liooiaio aki ia mea ia oe. Ano, e hoike mai oe i kau mea i makemake ai e ai maloko nei. "Aole pono e hoohuoiia mai ko'u ku loihi loa ana maanei me oe. Iloko o kou wa e hoi hou mai ai iloko nei me kau mau mea ai e halawai hou ai kaua. Ua lohe nae au, i ke kamailio a kela poe e halawai ana lakou me ke alakai nui o na hana hokahuli aupuni maloko nei o keia wahi i keia po. A ua lohe hou au mai a Iakou mai no, he makemake loa lakou e hopu malu a paa ka Naita Farani i hoea mai nei ia nei ma ke ano oia ka alihikaua nui o na koa aupuni. Aole anei o oe kekahi i holo pu mai nei me ia? Ua ae aku la au i ua kanaka Farani nei. A ua pane mai la oia; he kamaaina au no na ululaau o keia aina, ame na wahi i hoolulu ai na powa, ka poe a'u i Iohe ai, ua huli lakou ma ka aoao kakoo i ka poe hookahuli aupuni. E kii ae au i kau mau mea ai: Emoole ua wahi kuene nei i kii aku ai i ka'u mau mea ai a hoi mai la. Iaia i hoea hou mai ai, hoike mai la oia ia'u i ka i ana mai: Aole kela poe kanaka Sepania au i ike mai nei, a o ka poe hoi a'u i olelo aku nei ia oe i ko lakou olelo ana e hoea hou mai ana lakou no onei nei. Aka, e ai no nae oe, e ka hoaloha me ka makaala loa nou iho. Aole nohoi au e nele i ke kiai ana mai nou. I ka pau ana o keia mau olelo a ua kuene nei ia'u, ua haalele mai la oia i kahi a'u e ai ana. O ko'u ai hoi ia a hiki i ko'u maona ana, ia wa hoea hou mai ana ua hoaloha kuene nei o'u; a olelo mai la ia'u me ke ano puapua hulu o kana kamailio ana mai oia hoi, pane mai la oia: "E haalele koke oe ia loko nei 0 keia wahi. A mai puka aku oe ma ka puka au i komo mai nei, aka, e ukali mai oe mahope o'u; a na'u e alakai aku ia oe." Hahai aku la au mahope ona. He oiaio, ua oili maalahi mai la au mai Ioko mai 0 ka hale aina me ka loaa ole o kekahi pilikia; a mamua hoi o ka haalele ana mai o kuu hoaloha kuene ia'u, ua pane mai la oia ia'u: Mai poina oe i ka hoea hou ana mai ia nei i keia po; a ina he mea hiki e lawe pu mai oe i mau kokua nou. A maanei au e halawai ai me oe ame ka poe e hele pu mai ana me oe. E hoomanao oe, wahi ana i hoomau mai ai i ke kamailio ana, i keia po no e ahu wale ai ka no'a huna a ka poe hookahuli aupuni; a ina e makaukau me ^a eleu ka kakou lawelav;e ana, alaila, e paa pio no ia kakou ke alakii o na poe hookakuli aupuni. Ua hoi aku la ua hoaloha nei o'u, a ua hoi mai la nohoi au. O keia iho la kau moolelo e hoike aku ia oe, e kuu haku, a nau ia e noonoo mai. I kela wa, olelo aku la au i ua wahi Papine nei e hele oia e huli i ke kapena Iīalia ame ke kapena Helene o ka moku powa i lilo pio ai ia makou, a ke Ioaa laua, e hoike aku oia no ko laua makemakeia ana e a'u. Aia ma ka hara 2 oia auina la e akoakoa ai makou maloko o ko'u keena palapala. I ka hala ana'ku a ua wahi Papine nei, ua hele koke aku la au no ke keena palapala, kahi hoi e halawai aku ai , a i me Kadilaka, Ferone ame ke kanaka Helene. Ia'u i .hele aku ai a hoea ma ka puka komo, lohe aku

la au i ke kamailio ana ae a kekahi leo: "E Kauna Kadilaka, i hoike aku au imua ou a imua hoi o ke akua o na Karistiano, ke mihi nei au i ka'u mau hewa apau i hana aku ai imua o kuu hoaloha oiaio, oia hoi ka Naita Masiliona de Masana, ka mea i loaa ai ia'u ka hanohano i loaa ole ia'u mamua, oiai ko'u mau la e noho ana malalo ou e kuu Kauna Kadilaka. Ua ike no oe, o ka'u wahi hana makaukau e Iawelawe ana malalo ou oia, no ka oihana lapaau. A ma ka inoa o ke akua o na Karistano ke koi nei au ia oe, e kuu haku, e hoike mai oe ia'u, ina paha o kuu hoaloha oiaio kekahi i hoea mar i keia aina malihini a'u i laweia mai ai. E Kauna Kaxlilaka aole au e pakele ia oe, aka, o Masiliona de Masana wale no ko'u mea e pakele ai. I ka hoea ana mai o ua o Ferone i kela mau huaolelo hope ana i hoopuka ae ai, o ko'u manawa ia i komo aku ai a ku aku la au ma kahi e hiki ai i ua hoaloha kahiko nei o'u ke ike mai ia'u, owau no nei o Masiliona de Masana, kona hoaloha kahiko. He mea oiaio, ua ike mai la oia ia'u, a ua ku ae la oia iluna me ka puiwa nui, a hooho ae Ia hoi oia me ka leo nui i ka i ana: "O ka uhane anei keia o kuu hoaloha Masiliona e ku mai nei imua o'u; a i ole, o kona kino maoli no paha ia a'u e ike aku nei? Pane aku la k» Kauna Kadilaka i ka olelo ana aku.. Aole i pau.