Ka Naʻi Aupuni, Volume V, Number 43, 2 Malaki 1908 — NA RULA HOOKEONIIMANA Ke Kamailio ana Iloko o na Anaina. HOOMAULA. [ARTICLE]

NA RULA HOOKEONIIMANA Ke Kamailio ana Iloko o na Anaina. HOOMAULA.

Mai hoopaapaa iloko o kekahi anaina e noho ara na Iede a me na keonimana. Ina e kamailio ana kekahi kanaka no kekahi mea, a ua like ole kana mea e iiai la me kou nianao, a ua manao oe ua hewa ia a o kau ka pololei, mai kamailio aku me keia: ''Ua hewa oe?" "Aohe oioio o kau!" "0 ka'u ka pololei!" e kamadio aku i kela kanaka me ke kulana o ke keonimana, a penei oe e kamailio aku ai'iaia: "e kaia mai ia'u, ina . aoie au i kuhihewa," alaila hoomaka aku oe e hai i kou ike ame kou lohe, a he mea majkai hoi ia no na poe e hooi he mai ana i kau olelo ana pela. NO KA HUI LAUNA ANA. I kou wa e he e ai e ike i kekalii hoaloha ou pia ka hotele, e kali me ka malie ina ka rumi hookipa nui a hoouna aku i kou pepa inoa [card] i ua hoaloha ]a ou. He rula maa mau keia i na malihini ame na kainaaina ka hooko pono ia o kma mau kuhikuhi. Ina e manao ana kekahi e hele ana oia ma kekahi huakai hele, e hnouna mua aku oia i kona pepa inoa [card] i kona mau hoaloha, a ma kekahi kihi o ua pej)a la, e kau iho i keia mau huakumu P, P. C. O na huaolelo o keia mau hua, oia ka Four Prendre Conge; ke ano, "E haalele ana." I ka wa e ike iho ai kou mau hoaloha i keia pepa ou, e hele mai ana lakou e ike ia oe mamua o kou haalele ana mai a hele aku no kau huakai hele. O ka rula maa mau o ka hele ana aku o kekahi iloko o ke anaina hauoli a kekahi hoaloha, maioko wale no o na palapala kono, aole ma kekahi ano e ae. Koe waie iho no, ina ua noi ia mai oe e komo aku iloko o ko lakou launa ana, aole no ia he mea hewa. Maluna ae o na mea apau, mai hoao ke kanaka e mahaoi ke ole oia i kono ia mai a noi ia mai paha, he hana rula ole ia. No ka hele ana e ike i na hoaloha i ke aliiahi, ua lawa ka manawa no ka ike makamaka ana mai ke ahiahi poeleele aku a hiki i ka hora 9 o ka po. Aole mahope aku. Mai noho a hoohala loa i ka manawa launa ana mahope iho o ka hora 10, no ka mea, he mea molowa ia ke kualehelehe loa aku a oi mamua o ka manawe kuponoo ka launa ana. Ina ua hai mai keleehi lede a keonimana paha ia oe no ka naanawa ame ka hora hora au e hele aku ai e ike iaia. e heie aku oe iloko oia manawa i hai mua ia mai ai ia oe. a mai hele aku hoi i manawa okoa a i hora okoa, oiai oia e noho ana me kekahi mau lioaloha e ae iloko o ko lakou launa maikai ana. Ua hala kou map#wfi o ka launa ana. Ina e komo aku ana oe i kekahi wahi a e puka mai ana ka lede o ka hale no ka hele ana i kekahi wahi, ina he manao kekahi ou, e hoopokole a e hai aku i ke kumu nui o kou manao hiki aku ai, a hookuu koke aku iaia e hele i kana huakai. Mai hoao na wahine e hele aku i kahi o na kane me ke kumu ole, koe wale iho no, ina oia malalo o kekahi hana, ua hiki iaia ke hele aku i kona wahi no ka manawa pokole wale no. O ka wahine e ike mua ia ana iloko o kaia hana, ua haalele oia i na rula maa mau o ka leda — he wahine hanhaa loa oia. NO KA RUMI HOOKIPA NUI. I ka wa e komo ai o kekahi lede iloko o ka rumi hookipa nui o kekahi hoaloha no ka ike makamaka ana, aole oia e wehe ī kona papale holoholo [bonnet], a aoie hoi e wehe i kona kihei (shawl). Ina hoi he keonimana ka mea e hana ana pela, mai waiho i kou papale ma kekahi wahi a ae, aka, e paa no ma kou lima, a i ole nohoi, e hoopili ae ma kou aoao maloko o ka lima, oia nani okoa nohoi ia. Ina he mamalu ame ke kookoo kou e hele pu ana, alaila, e waiho ī kou mamalu iloko o ka rumi mua (hall), a e paa no nae i kou kookoo iloko o ka rumi hookipa nui, oia ka rula. I kou wa e noho ana iloko o ka *rumi hookipa nui me na hoaloha, e noho me ka pololei o ke kino, mai kau kahi wawae maluna o kahi, a mai koo ka wawae i o a ia nei, rnai kau ka wa wae maluna o ke papakaukau, he hana rula ole ia. Mai laweiawe kou mau Iima i na mea hoonani e kau ana maluna oke pakaukau; malia paha, he mau mea hoonani wale no ia no ka nana aku a ka maka, a ua kupono ole no ka lawela we! ia me na lima. Aole i pau,