Ka Naʻi Aupuni, Volume V, Number 43, 2 March 1908 — Masiliona ke Koa A ME Maganolia ku LDO! [?] [?] no Kā Paaoiai hopo [?] [?] [?] [?] [?] MOKUNA IV [HOOMAUIA] [ARTICLE]

Masiliona ke Koa A ME Maganolia ku LDO! [?] [?] no Kā Paaoiai hopo [?] [?] [?] [?] [?] MOKUNA IV [HOOMAUIA]

Owau ka mea i aa e kakele pahikaua pu me ke alii opio, a ma ka olelo pololei ana ae, owau ke paio pu me ka Naita Farani?" Ua ano uluaoa koke ae la ke inaina ia wa no ke ano pane hoohaahaa a keia kanaka i hoike mai ai. Ma ka'u hoomaopopo aku, aia ka hapanui o keia poe ma ko'u aoao, a he kakaikahi loa ka poe i holo mahope o kela kanaka i aa mai ai e paio me a'u. Ua hoao ae la ka Moi e ku iluna no ka hoomalu ana; aka, ua lawe koke ae la au i ke kulana hoomalu ma ko'u ano, owau ka alihikaua nui o na koa Helene apau; a ia wa i pane aku ai au imua o ke anaina: "E na kahaka Helene, e hoomalu ia oukou iho. A ua makaukau au e hili aku i ke kikala o na ilio aoa hewa apau i ko lakou kahu." Me ka hikiwawe loa, ua unuhi ae Ia au i ka'u pahikaua mai loko ae o ka wa hi, a iho koke aku la au ilalo mai luna aku o ka nuu; a kahea aku la au i ke kanaka i aa mai ai e paio me a'u, e hele mai oia e hooko i na huaolelo a kona alelo i lu helelei mai ai. Ua lilo keia hana ana a'u i mea e kau ai he keehina o ke ano wiwo maluna o ua poe Helene nei; a hui pu hoi me ko lakou ohohia nui no ka loaa ana he wa e ike pono ai lakou i ko'u makaukau, ua hooki iho la lakou i ka hauwalaau pioloke ana me ka pioo nui. Ua hele mai Ia nohoi ke kanaka a'u i kahea aku ai e ku mai oia imua o'u no kona hooko ana i kana mau huaolelo i hoopuka mai ai. He wa keia i halii iho ai ka maluhia maluna o l^e anaina holookoa. He kanaka kino ano nunui maoli keia, a he oolea kona mau ano apau. He pahikaua a ka nui launa ole ke paa ana ma kona aoao hema. Aka, o ka nui o kana pahikaua ame ka nui kohu pilikua o kona kino, aole ia he mau mea no'u e hopohopo ai, a i maka'u ai hoi iaia. I ka manawa a ua kanaka nei i ku mai ai mamua o'u °ia ka wa a kuu hoaloha Helene i kamailio ae ai me ka I_o nui moakaka imua o na mea apau, me ka piha inaina: "E na kanaka Helene, e lohe auanei ko oukou mau, kumu pepeiao ma ko oukou mau poo. O ka hana a keia hoaloha o kakou i hana mai nei mamuli o kana aa ana mai , nei e hoohaahaa i ke kulana o kekahi o na koko alii kiekie loa o ka aina nei; a nolaila, e kau no maluna iho o kona poo ke koikoi o kana hana hewa, kona mahaoi ame kona hupo. Ua oi aku ka pono, e kukuli mai oia imua o ke Keikialii Masiliona oe AIasana a mihi mai i kona hewa. O — ka olelo keia a ka uhane naauao ame ke aloha hoahanau." I ka pau ana o na olelo a kuu hoaloha Helene, ia wa i haawi ae ai ke kanaka i aa mai ai e paio pu me a'u i kana kunou poo ana imua o ka Moi, a huli ae la ia a kamailio aku la imua o ke anaina: * "E o'u mau hoaloha, ua ike a ua kamaaina oukou, owau o kakou ka mea i helu ia ma ka helu ekahi o no kanaka akamai loa o Helene nei i ke kaka pahi, ame ka oniu ana i na mea kaua apau i hiki i ke kanaka ke Iawelawe * me kona mau ilma. A ua ike nohoi oukou apau, owau ke kanaka i hoohaulehia i ke akamai o na loea kaka pahi mai na wahi mai apau o Europa a hala loa aku i na kukulu

Hikina. Aole hookahi kakele makakila akamai i hoea mai * hīelene nei i hoi aku me ka hulu haaheo o ka lanakila mahope iho o kona halawai ana me a'u, he alo no a he alo. Aole hoi he hooiele laau ihe noeau loa i hoi aku mai ko kakou ama. hanau aKii nei, mahope īho o kona ku ana he alo a he alo me a'u nei, me ka huhui pua ohohia o ka lanakila. Aole nohoi he kanaka uhau maka koi, i Ianakila maluna o ko'u makaukau ma ia hana. N olaila, e o'u mau hoaloha, e lilo anei ka moakane opiopio i oi ole hoi kona mau kakala i alakai no ka moakane 1 oi kona kino. Aole au i makemake — ae — owau nei 0 Seodila, ko Helene nei pukaua hookahi e alakai ia e na bebe ai waiu. Na keia la e hoike mai i ka hiki ana o kekahi bebe ai waiu, elike me ka'u ame ka oukou e ike nei e lilo i alakai no'u ame oukou no ka paa ana i ke kuokoa o ko kakou ama ame ka hoohiolo o!g ia ana o ka nohoalii o Helene. "A o na olelo a ko kakou makamaka a'hoaloha oiaio 1 kii aku nei i na kanaka Farani opiopio e hele mai i Helene nei e alakai ai ia kakou ma na hana i aoia ai kakou a 00 ko kakou mau iwi, e hoihoi aku no ia mau olelo apau me ia; a na ka puehu ana o na hulu o ka moa ouo hou ana 1 lawe mai nei e hoopau ae i ka punahelu o kona noonoo." Ia wa i huli pono mai ai ua kanaka nei, imua o'u, a hemo koke ae la no kana pahikaua. Ma ka'u hoomaopopo iho, he umi paha a'u mau pahikaua a pua ia oe i kahi hoo_ kahi, alaila, loaa aku ka nui o ka pahikaua a ua kanaka nei.