Ka Naʻi Aupuni, Volume V, Number 37, 21 February 1908 — Me na Pomaikai o ka Makahiki Hou [ARTICLE]

Me na Pomaikai o ka Makahiki Hou

KLa» Atoolelo A^aloliia o ^ Hainakolo K \ UI PUA KA-MAKA-HALA. 0 KA M AILELE 0 HIILAWE MOKUNA V [hoomauia] Ua holo keia manao i ua mau wahi elemakule nei. Nolaila, hele aku la o Kaholoholouka e ako i na lau uala opiopio, a lawa elua popo; lalau ae la nohoi iluna o ke kumu maia popoulu, a hahai mai la elua mau maia, hoi aku la a kapuahi, hana iho la i ke palula a paa i ka wa hi, a kau aku Ia i kapuahi; pela nohoi me ka maia. O ka hele ia a mo'a kekahi aoao o ka wa hi palula, huli nohoi ma kekahi aoao; a pela nohoi na maia. Heaha Ia ia mea o ka huli ana ae o ua wahi elemakule nei i kahi — e, aia hoi, i hoi hou ae ka hana o kona mau maka a nana akn i kapuahi, ike aku la ia me ke pahaohao loa o kona noonoo, aohe kahi wa hi palula, aole na maia popo-ulu. Nana ae la ia ma o a maanei o kapuahi, aohe wahj mea ona a ike iki i ua mau pulehu nei ana. "He keu maoli ka hoi keia a ka mea kupaianaha. Aole hoi au i lalau ae nei ma o a maanei, a o ka nalowale iho nei no ka hoi ia o na pulehu a ka maua hanai. Owai la hoi nei Iapuwale nui o ka limanui ana mai i ka'u mea o ka hana ana iho nei? Me ke ano e o kona noonoo ku ae la ia iluna a hoi aku la iloko o Ka nale. Noho iho la ia me ka namunamu Iiilii ana iaia iho no ka nalowale honua ana o na wahi pulehu ana. Ua awakea loa ae la ia manawa; a ke aneane aku la i ka \\ a e ala mai ai ka hanai. Aole i kana mai ka nui o ke aloha o ua wahi elemakule nei i ka hanai. Aole hoi oia ala ana mai, kau aku kahi mahanahana i ka waha, a mohala maikai aku ka houpo. A ia wa i ku hou ae ai oia iluna a puka hou aku la iwaho: Manao loa iho la no oia e hele e ako hou i mau lau palula a e kii hou nohoi i mau wahi maia, a pulehu hou i kepuahi; aka, ua hoopahaohao loa ia oia i ka lohe ana i ke kahea ana mai a ka moopuna iaia. I kona lohe ana i nei kahea ana mai, ua pelu hou ae la oia a komo hou aku la iloko i ka hale, a ninau aku la i ka moopuna: "O oe no ia i kahea ae nei ia'u? . Ae mai la ka hanai, me ka ninau ana mai:" Healia ka olua wahi mea ai? Hoike aku Ia keia:" He nui paha ka mea ai i hoounaia mai nei e ou mau kupuna mai kai mai ka ai, ka la. Aole hoi oia mau mea wale no, aka, ua loaa mai nei k°u mau aahu kapa, ka moena ame ka malo. A he wahi pulehu palula hoi ka'u i hana mai nei me ona mau wah maia; o:a kiai o īa o'u i kapuahi la, a o ka lilo no ka hoi ia

me ka maopopo ole ia'u o ka mea nana i lalau mai." Alaila, pane mai la ka moopuna o Leimakani i ka t ana mai: "Mai hooluhi hou aku oe ia oe no ka hana hou ana mai ia māu mea. He wahine ko'u mea nana i hanai mai nei i ua popo palula nei a olua me na maia popo-ulu elua. O keia wahine o ko'u hoaheleia o ka'u huakai o ka hoi ana mai i ka po nei. Eia ka he poe aina nani aku ko keia mau' wahi. O ka ai ame ka ia a na'Iii ka olua mau mea e hoomakaukau mai. A e haawi mai hoi olua i wahi malo hou no'u ame ona wahi ahu kapa hou. Ua ana ae la no ko'u hiamoe. A ei aku ka malihini a hoea iho!" O ka eleu mai la no ia o nei wahi kupunakane, makaukau ka ai ame ka ia. Kii aku la ia a na opeope malo, hemo mai la ka mea maikai; a pela hoi na opeope kapa, loaa ka ahu maikai no Ip moopuna, a lawe aku la a haawi i ka. moopuna. Aia nae iloko o kona naau kahi i nalu ai no na olele a ua moopuna nei i kamailio mai ai, oia hoi, kona ai ana i ke ope palula ana i pulehu ai a pela hoi na popoulu ana i hoomakaukau ai. Owai la nei wahine a ua hanai nei i olelo mai ai, oia ka mea nana i haawi aku ia mau mea ai i ua moopuna nei.a laua. A owai hoi nei wahina? Manao iho la ia o ka makuahine no paha o ua hanai nei a laua oia c Hainakolo? Haupuupu wale ae la no ia manao iloko ona, a emi pu wale iho la no; ak?, o ke kupaianaha ame ke kamahao o keia laweia ana o kana mau pulehu me ka maopopo ole iaia o ka mea nana i hana pela, ke mau la no ka hoohuoi ana o kona naau. liia no nae hoi( ua oluolu no ia i ka hoomaopopo ana iho, ua ai loa no ua mau mea ai nei i ka moopuna. Oiai nohoi o Leimakani e hoomakaukau ana iaia ihe» hoea mai ana o ±^uukia mai kai mai. Oia hele no īa o ua liiwahine nei a ninau ana i kahi kahu e noho ana mawah® iho o ka puka. A uhea ke alii? Pane aku la nohoi ke kahu: Ei aku no iloko. E aahu wani kapa ana a hele mai e hookomo wahi mamala ai: 0 ke komo loa aku la no īa o Luukia a loaa ki moopuna, o kona kapae ae la no ia i na loina hookuanui o keia au hou o Hawaii nei; aoka lele aku la no ia paa ka a~i o Leimakani, a he haluku ka na wahi elemakule mea <?• ka lohe ana 'ku i na moopuna e unonoke mai ana. 1 ka hele ana a oili mai ke kupunawahine ame.ka anmpuna iwaho, aole i kana mai ke kunahihi o ko laua man helehelena. ± au na a-i i ka poholehole — maawe kawelu na owili lauoho o Luukia ma o a maanei o kona kua. Hoohai na hiohiona ke nana aku; a hoomanao oe la ka mea kakau i keia mau wahi lalani mele: Aole i pau