Ka Naʻi Aupuni, Volume V, Number 24, 4 February 1908 — Ua Kupaa o Kahiliaulani no Walaka mai Kinohi mai. [ARTICLE]

Ua Kupaa o Kahiliaulani no Walaka mai Kinohi mai.

Mai kinohi loa mai o ka hoomakaia ana o ka hapaiia ana o ke kumuhana e pili ana i ko Mr. Walaka aeia ana mai e ka Papa Ola, e lapaau oia i na poe ma'i lepera o Mo lokai, ma kona mau anuu i lawelaweia ai imua o ka Papa Ola a imua ponoi nohoi o ke Komite he Umi ma Honolulu nei, a imua nohoi o ka lehulehu ma na wa halawai makaai nana i kahea ia ai e ke Komite e noho ma Aala i aka, ua hiki mau o Kahiliaulani ma na wahi a ma na manawa 1 ma lamaia ai ia mau hana no ke kakoo ana i ka pono o MrWalaka ma na ano apau. Ua hoike mau oia i ka like ole o kona mau manao imua o kona mau hoa Komite Umi ma kekahi mau mea ana i manao ai a i hoomaopopo ai, he mau mea ia e kakoo ia ai ko Mr. Walaka mau pono o ka lawelawe ana i kana hana hoola ma'i lepera. Aole wale nohoi imua o kona mau hoa Komite 1 hoike maopopo ai oia 1 keia mau manao makee maoli i ko ua kanaka Helevitia nei mau pono, aka, imua ponoi no kekahi o ka Papa Ola, elike no me ka makou i hoike mau aku ai ma na kolamu o ka makou nei mau pepa, imua o ka lehulehu mai Hawaii a Kauai. Aole loa he wa i ikeia ai ko Kahiliaulani hoi hope ana a huli kue £2ku j 2ig_ Helevitia opio neij a hoea wale 1 ka pahu hopu hope loa o ka loaa ana mai o ko ka Papa Ola ae ana mai, i ua kanaka opio nei e lawelawe o:a i kana hana. Ua ike a ua hoomaopopo makou, ma kekahi halawai a ke Komite Umi i malama ai no ka mea e pili ana i ka palapala a ka Peresidena i kakau mai ai i ke Komite Umi ma o Lunahoomalu Lane la, ua kupaa no o Kahiliaulani mamuli o ka pono o Mr. Walaka elike no me na hoike a ua kanaha opio nei imua o ke Komite ma ia manawa. Aka, ma ka wa i ike ai o Kahiliaulani mahope iho o kela halawai ana, e lilo ana na hooikaika ana i hoomanawanuiia ai e ia ame kona mau hoa Komite i mea ole, a poho hoi na manaolana o ka lahui, no ka loaa io ana mai he ola mailoko mai o ka omole wai ola e paa ia ana e Mr. Walaka, ina aole e kakauinoa ana ua Helevitia opio nei i ka aelike a ka Peresidena o ka Papa Ola i waiho mai ai imua o ke Komite Umi, e ae ana i na mea apau i ae mua ia e Walaka, koe wale no ka loaa ana iaia he Kl palua no ka puka pa mawa ho loa o ka pa e hoopuni ana i ka haukipila, me ka Papa Ola no ia, ua manao iho la ia (Kahiliaulani) he oi aku ka pono e ae aku i ka aelike a ka Papa Ola i hoouna mai ai, oia hoi, e ae o Mr. Waiaka, e kakauinoa ma iaaelike i loaa ai iaia ke kuleana o ka holo ana i Molokai e wae kino ai i na poe ma'i i ku i kona manao he pono, a hoihoi mai ia lakou i ka haukipila ma Kalihi; a hoomaka aku hoi oia e lawelawe aku i kana lapaau ana i upuia no ke ola maluna oia poe makamaka popilikia. A, aia hoi ma ia nee ana aku o kana mau lawelawe lapaau ana e ikeia ai kona kuia ana aku me na pilikia mamuli o ka loaa ole ana iaia o kekahi Kl o ka puka pa o waho; a oia la ka manawa ana e hoike mai ai i ke Komite Umi no ia hemahema nui; a o ka wa nohoi ia a ke Komite e hooikaika hou ai e nonoi aku i ka Papa Ola i lua no ke ki o ua puka pa la; a ua manaoio no hoi o Kahiliaulani e kakoo ana ka lehulehu makaainana iaia ame kona mau hoa Komite ma keia keehina hana hou e hapaiia aku ai imua o ka Papa Ola. Aka, aole nae i ae o Mr. Walaka e kakauinoa i ka aelike a ka Papa Ola i haa wi mai ai, mamuli o kona a'o ia ana aku e kona mau hoaloha mawaho aku o Kahiliaulani ame na hoa o ke Komite Umi. Ua pono keia hoopaakiki ana o ua Helevitia nei ma keia manao, oiai o Kahiliaulani ponoi maoli no ka mea nana i hoomakaukau i ka aelike e hoomaopopo ana e loaa ia Mr. Walaka, ka lua o ke ki o ka puka pa o waho o ka haukipila. A oia kekahi o na aelike a ke Komite Umi i hoomaopopo ai ua hoounaia e ka Peresidena o ka Papa Ola i ke Komite o Ehiku ma Molokai, a i aeia mai ai hoi e ua Komite la o Ehiku. aole i pau