Ka Naʻi Aupuni, Volume V, Number 23, 3 February 1908 — Masiliona ke Koa -A ME- Maganolia ka ipo! MUKUNA IV [?] [ARTICLE]

Masiliona ke Koa -A ME- Maganolia ka ipo! MUKUNA IV [?]

[hoomauia] • Ua hui aloha iho la au me ua papa nei o'u. Ua uwē au nona, a pela nohoi oia no'u. Ua hoolauna aku la au imua ona i kuu Maganolia, me ka olelo ana aku iaia, ua loaa iaia he kaikamahine. Ua apo mai la oia i kuu Maganolia me ke aloha oiaio o nei mea he makua i ke keiki. A ia wa nohoi i hoike aku ai au imua ona i na mea apau e pi li ana i kuu kaikaina Roderigo. Hoike aku la au imua ona i ke ano o ko'u halawai mua ana me ia, ame ko maua pili ana ma na wahi he nui, ame ko maua kaawale ana. A hoike aku la nohoi au īaia, no ko'u minamina loa i ko'u ike ole iaia mamua o ko u haa lele ana iho ia Europa a holo aku au 1 Helene. I keia wa a'u ame kuu luaui e kamailio nei, aia hoi,lohe aku la makou i ka uwa mai o na kanaka o loko o ua wahi kauhaie nei. A o ka manawa ia i komo mai ai o Aremana, a hawanawana malie mai la oia ma kuu pepeiao, ma ka i ana mai. "O keia mea a na kanaka e uwa mai nei, o ka huakai a ke Kavalia Alabimoria, oia keia e huli hoi mai nei; a ke kamoe loa mai la ka lakou nee ana mai no ka hale nei." O ko'u wa no ia i hoike aku ai i kuu luaui, eia ae o Roderigo a hoea mai. A hoolauna e iho la au i ko'u mau hoaloha me ua luaui makuakane nei o'u. Ua ano e loa na helehelena o kuu luaui ia wa. Ua hi olo mai la kona mau waimaka ma kona mau papalina, a ua hiki ole hoi iaia ke pane mai i kekahi huaolelo a hala kekahi wa loihi loa. A oia kona manawa i ninau mai ai ia 'u, ma ka olelo ana mai: "E kuu keiki, owai keia Roderigo au i hoike m'ai nei; oiai, o ka'u Roderigo, kou pokii mahoe, e Masiliona, aole o'u manao eia oia ke ola nei i keia wa. Nolaila, owai keia Roderigo au i hoopuiwa mai la ia'u i kou luaui nei?" 0 ko'u manawa ia i hoakaka aku ai i ua luaui nei o'u no ka mea e pili ana ia Roderigo, ma ke ano he hooiaio no ka'u mea i hoomaopopo ai a i ike ai nona elike no me ka'u i hoike mua aku ai iaia. Ia wa oia i pane mai ai ma ka olelo ana mai: "E kuu keiki, akahi no au a hoomaopopo pono i kau mau mea. i hoike mai nei ia'u. A e kala mai oe ia'u i kou makua nei no keia hooluhi ana aku ia oe. E hoomanao iho oe, eia ko'u luaui nei i kona mau la hapauea, a palupalu hoi. Nawaliwli mai ke kino a nawaliwali pu mai nohoi ka noonoo." 1 keia manawa a ua luaui nei o'u e kamailio mai ana ijkeia mau olelo, eia ke haluku mai nei na| kapuai he lehulehu mawaho o ka hale, a pela me na hauwawa olelo o na kanaka, a ia wa i hoomaopopo ae ai au, ua hoea mai la ke Kavalia Alabimoria a me kuu pokii, o Roderigo ame kana wahine opio, ka Lede Evalina. Aole i liuliu mahope iho, aia hoi, lohe aku Ia makou i ke kamumumu mai o kekahi mau kapuai ma ka papahele o ka hale. Ma ka'u hoomaopopo aku ia wa, me he mea la ekolu a eha paha ia poe e hele mai ana. Ua ike iho la no au ia wa, o ke Kavalia Alabimoria no ia, me Roderigo ame Evalia, kana wahine, ame kekahi mea e ae. Alaila, ninau mai la kuu luaui makuakane ia'u i ka i ana mai: Ea, owai ae keia poe e halulu mai nei ko lakou mau kapuai? O Roderigo anei keia e hele mai nei?

Pane aku la au iaia: "Ke ole au e kuhihewa, o kau keiki ae keia, o Roderigo, a o kuu pokii hoi. Nolaila, e hoomakaukau oe ia oe iho, e ko maua papa no ka hālawai pu ana aku me ia ame kana wahine ame kona makuahonowai, oia hoi ke Kauna Alabimoria. I ka pau ana ae no o ka'u mau olelo, ia wa komo mai ana o Roderigo me kona hanohano nui. A ma kona aoao kana Evalina aloha me kona ui a nani nohoi. Ia manawa au i ike aku ai i ka hapai ana ae o kuu luaui i kona iima akau a paluiu ho-umamalu ae la kona mau manamanalima ia luna iho o kona mau maka,meBhe mea la e hooikaika loa ana kona mau onohi maka, e ike pono mai i ke kanaka opio e hele mai ana ia wa, me ka hiehie nui. Ua hele mai la o Roderigo ame Evaliaa a haawi mai la i ko laua aloha ia u ame Maganolia; a ma ia manawa au i pane aku ai i kuu pokii i ka i ana aku: "E Roderigo, e ae mai ia'u e hoolauna aku īa oe me ko kaua luaui makuakane e noho mai la me kona kino palupalu, e kali wale ana no o ka hoea mai o na la hope loa a ka make e kikoo mai ai i kona mau lima puanuanu maluna ona a kaili aku iaia mai keia ola ana." . ... , I kela manawa i alakai aku ai au 1 ua kaikaina mahoe nei o'u imua o ko maua makuakane, a pane aku la au i u a luaui nei o maua: E ko maua luaui, eia kau keiki muli, oia o Roderigo, ka mea au i manaoio loa ai ua haalele mai oia i keia ao, a ua hala aku oia no kela aoao o ka muliwai o nei ola ana. E ike mai oe iaia, a pela hoi oia ia oe. (no kahi wa aku.)