Ka Naʻi Aupuni, Volume V, Number 22, 31 January 1908 — Hoomaikai a ka Papa Hooko IA PERESIDENA Kahiliaulani Notley. [ARTICLE]

Hoomaikai a ka Papa Hooko IA PERESIDENA Kahiliaulani Notley.

s Ma ka noho ana a ka Papa Hooko o fca Aoao Kuokoa , Home Rula ma ka Poaha nei, Ianuari 30, ma Ema Hall, ua haawi ae la na hoa oia Papa i na hoomaikai kiekie ana ia KaHILIAULANī, ka Lunahoomalu oia Papa a Peresidena Nui hoi o ka Aoao, no kana mau hooikaika pauaho ole ana ma na hana e pili ana i ke noi ana aku i ka Papa Ola no ka ae ia o Walaka e lapaau i ka ma'i lepera. Ua hookoia e ia na kauoha apau a ka Papa Hooko i kau aku ai maluna ona me ke kunukunu ole, aka, me ka oluolu maikai wale no i lawelaweia ai ia mau mea e ia. Ua ike ka Papa Hooko, mamuli o kana mau hooikaika ana i hoea aku ai o Walaka ma ke kiekiena haaheo loa o kona kaulana ma na wahi apau o keia Pae Aina; a ua loaa hoi i ua Walaka nei ka aeia ana e ka Papa Ola, e lapaau oia i poe ma.'i e \vae ia ana mai ke kahua ma'i lepera mai ma Kaiawao. Ua mahalo ka Papa Hooko iaia no kona maka'u ole, wiwo ole a hoopilimeaai ole ma ka paio ana me ka Papa Ola no ka mea e pili ana i keia leumuhana. A r hoopahu'a wale ia no ka holopono loa ana o keia mau hooikaika pauaho ole ana mamuli o ke kakauinoa ole ana o Mr. Walaka.i ka aelike a ka Papa Ola i makemake ai iaia e kakauinoa, ka aelike hoi i hiki ks hooponopono. hou ia mahope aku o ka wa e ike maoli ia ai ka nee ana o na. hana a ua Mr. Walaka nei.