Ka Naʻi Aupuni, Volume V, Number 18, 27 January 1908 — Ka Mahimahi o Enelani! [ARTICLE]

Ka Mahimahi o Enelani!

Ma kekahi hookahakaha ki pukuniahi i malamaia e ka mokukaua Draughnaught, ko Enelani mokukaua nui loa a ikaika nohoi, no ka hoomaamaa ana i ka makaukan hoolele poka o kona mau pukuniahi kau ka weli a piha wikani, ua ikeia ka holo pono ame ke kulana oi loa o na Iawelawe pookela ana. Ua hoomaka mua ia ka hoolele ana 0 na poka ahi wela maluna o na boe i hoolana mouo ia iloko o 15 mile ke kaawale mai ka mokukaua aka, a ua- ikeia ka Iele pololei ana o na poka a hoopuehu liilii aku la i na mouo i kukuluia. A mai keia kowa kaawale aku, ua hoonee hou ia aku ka mouo ana o na boe hoailona no ke kaawale o 40 mile mai ka mokukaua aku, a hoolana ia iho la, a o ka hopena i ikeia, ua wawahi okaoka liilii ia keia mau boe e ka ikaika o na poka pukuniahi i ki ia mai ka mokukaua Draugnaught aku. Ua oleloia ae mamuli o keia kulana makaukau i loaa i ko Enelani mokukaua, ua hiki loa iaia ke ulupa i kekahi heluna nui o na mokukaua o ka enemi me na poka alapine hala ole a weluwelu liilii iloko o ke kowa q 50 a 40 mile ke kaawale. Ua hiki pu nohoi ?aia ke ki a puka ka pale o na moku manoanoa he 3 ma ka laina pololei. Aole loa o Enelani e ae ana e hoikeike wale i keia ano hou o na lawelawe ana o kona mokukaua no kekahi mau huina dala mahuahua e haawia aku ana iaia. O kona palekana ia e kau ia nei ka weli.