Ka Naʻi Aupuni, Volume V, Number 16, 23 January 1908 — Haalele Mr. Kini I KA NOHO LUNAHOOMALU ANA NO KA Aoao Demokarata [ARTICLE]

Haalele Mr. Kini I KA NOHO LUNAHOOMALU ANA NO KA Aoao Demokarata

Ua waiho aku o Mr. W. A. Kini kekahi o -na alakai koikoi loa o ka Aoao Demokarata, i ka noho Lunahoomalu ana no ke Komite Kuwaena o ka Aoao Demokarata ma ke Teritore o Hawaii nei. Ua hanaia |keia hana ma ka Poakolu nei maloko o ke keena loio o Mr. rAni. E kaheaia ana he halawai a ke Komite Kuwaena oia Aoao no ka Poa lima ae nei, a e noho ana ia halawai maloko o ka Vaverly Block, ke manao loa nei kekahi poe Demokarata, e waeia aku ana o Mr. E. Ingham, kekahi o na moho lunamakaainana a na Demokarata i hooikaika ai ma ka Apana 4, i ke la kau koho i hala, ma ke ano oia ke pani ma kahi o Mr. Kini i waiho mai. A ma keia halawai ana i hoike ae ai o Konela C. P. Iaukea, aole oia e holo makai nui hou ana no ke Kalana o Oahu nei, a Kulanakauhale a Kalana hoi o Honolulu, ma keia kau koho balota e hiki mai aha. Aole nohoi ona maD3.o e holo balota hou no kekahi oihana aupuni.