Ka Naʻi Aupuni, Volume V, Number 14, 21 Ianuali 1908 — Masiliona ke Koa -A ME- Magnolia ka Ipo! [?] [ARTICLE]

Masiliona ke Koa -A ME- Magnolia ka Ipo! [?]

Ua hoao nohoi ua Naita nei me kona akamai apau, e kaili aku i kuu pahikaua mai loko aku o kuu lima; aka, ua ko ole nae kona makemake ia mau hoao ana. Eilke me ka nui o kona makaala ma na kiina pahi e hiki ai ke hookoia kona makemake ame kona iini, pela no i hooi ae ai au i kuu makaala ma ke pale ana 'ku i kana mau maka pahi. He nui na manawa i haawi mai ai na Naita i na huro ana no kekahi mau kiina pahi akamai loa a ua Naita nei i pale ia e a'u me ka eleu ame ka makaukau nohoi. Ua haawi pu mai la nohoi ua poe nei i ka lakou mau mahalo ana ia'u no ka eleu o ka'u mau pale ana. Iloko o ke'a mau leo ikuwa o na kanaka, eia no maua ke hoomau nei i ka maua mau hoolele pahikaua ana me ka eleu loa. Ua kali hoi au o ka hoea mai o ka manawa e ike ai au i ko ua Naita Pelekane nei hana ana i na kakele pahikaua hoopahaohao, elike me ka'u i ike ai i kuu hoaloha ka Naita Guisiuma; aka, a hala hou ae la he manawa o ko maua ulele kaka pahi ana, aole no i ikeia ka hoea mai o ia haawi na ma ka aoao mai o ka Naita Pelekane. E olelo ae au ma keia wahi, he kanaka akamai maoli no keia Geofere i ka lawelawe ana i na mea kaua. Ina no he kanaka au i piha me ka ike kaka pahi e kaena mau ia ai e na poe kumuao kaka pahi i komo kino ole maoli no ilo ko o na kaua hookahe koko ana, a i ku hoi imua o na poe loea akamai i ke kaka pahi ma na anuu apau, elike me a'u nei; ina no ua lilo au i mea paani wale ia no e ka Naita Ge ofere. Aka, ua laki maoli au; ua lehulehu ka'u mau kumuao kaka pahi i hoomaamaa ai au, elike no me kau i ike ai, e kuu makamaka heluhelu iloko o na wa i kaa hope ae a hoea wale mai no i keia manawa a'u e kakele pahikaua pu nei me Geofere. Aole nohoi o'u kanalua iki, ua ike maopopo mai la no ua Naita Pelekane nei, he koa io no au i piha me na haawi na makaukau loa o ka oniu ana i ka makakila; a he oiwi kino hoi ko'u i lawalawa pono ia me na olona oolea e hiki ole ai ke hoopapaluia e kekahi ikaika ellke me ko ua naita la ke ano. O ka poe oi loa aku o ka piha hoihoi loa ma keia ulele kaka pahi ana a'u me ka Naita Pelekane, oia no na moneka i makaukau loa no ke ku ana ma ke kahua hakoko ke hoea mai ko lakou manawa e nee ae ai ma ia wahi. O lakou ka poe e hoopuka mau ana i na huaolelo mahalo no kela ame keia pale ana a'u i ka maka pahi a ko'u hoa paio elike me ke akamai i loaa ia'u. O ke aho loa, o kekahi mea ia a'u i hoomaopopo iho ai, oia kahi mea a ka naita Pelekane e uhaiaholo mai ana. Ua manao loa ia, ina hiki iaia me kona ikaika ame ka alapine mau o kana mau kiina pahi e hoolele mai ana maluna o'u, ke hoonawaliwali mai i ko'u aho, a hoopalupalu pu hoi i ko'u kino, oia ka manawa e hiki ai iaia ke paani mai ia'u me ka hololea loa; aka, ua hiki ia'u . ke olelo ae ma keia wahi, he noonoo palaualelo v/ale no ia ana i upu ai ma ia ano. He kanaka epio au i keia wa i komo iloko o na kulana hana ko'iko'i apau o ka oihana kaua; a ua maa ko'u kino ame ko'u mau lima i ka hapai ana i na mea kaua me ka loaa ole ana o ka ui-ha ame ka maloeloe koke ia'u. Ua hoao nohoi au e kaili i ka pahikana a ua kanaka nei; aka, ua nui no nae kona makaala ma ke kiai pono ana i kahi e lilo ole mai ai kana pahikaua ia'u. O kekahi mea

— ' — ; a'u e hoike ae ma kela wahi, oia keia ke ike aku la au i ka haka pono mai o kekahi moneka kino nui puipui maluna no a he kohu nunui hoi kona ano ma ka'u hoomaopopo. Ua ike au i keia mau hakilo ana mai a ua moneka nunui nei ma ka wa i hoi ae ai ua moneka la a ku mai la ma ka aoao o ka Naita Geofere e paio mai ana ia'u. Ua oi aku kona makaala loa i ka'u mau pale ana i na maka pahi a Geofere e hoolele mai ana maluna o'u mamua o ko ua moneka hakilo ana mai i na kakele pahikaua ana mai a kuu hoa paio. Ua lilo na pale akamai loa ana a'u e lawelawe ana ia manawa i mea e mahiehie maikai ae ai ko no mau helehelena a olino mai la hoi ka hauoli ma kona mau maka. Aole i liuliu māhope iho, ua kaohi aku la kaNaita Ge ofere i kana pahikaua, a pane mai la oia ia'u: "E ka Naita de Masana, ua kaohi mai la au i ka'u pahi, no ka hoomaopopo ana'ku ia oe, e hoomaha kaua no kekahi mau minute, alaila, hoomaka hou aku kaua no ka elua o ka manawa. A e ae mai oe, e De Masana, e haawi aku au ia oe i ka'u mau mahalo ana no kou piha makaukau maoli ma keia oihana. He mea oiaio loa, ua hooia po no mai oe i na olelo a kou hoaloha Robine Huda i hoike ae ai ia'u no ka mahuahua o kou ike ma keia hana. Aia a hoomaka hou kaua no ka lua o ka wa o ko kaua kakele pahikaua ana, ma kou aoao mai na kiina pahi, a ma ko'u aoao hoi ka pale ana. la maua i hoomaha ae ai, ua lele koke mai la ka moneka i hakilo pono loa mai ai ia'u a hopu mai la i kuu lima me kona lulu ana iho me ka hauoli nui. Pane mai la oia me ke ohohia nui: Aole i pau.