Ka Naʻi Aupuni, Volume V, Number 12, 17 January 1908 — He Hooiaio no "Kauka" Walaka. [ARTICLE]

He Hooiaio no "Kauka" Walaka.

Ua hoike mai o Lunakiai Fern ia makou ma ke ahiahi Poakolu nei, mahope iho o ka pau ana o ka halawai a ke Komite Umi maloko o ke keena oihana o Mr. N. Fernandez, ua ike oia ua mohala na manamanalima pepee o kela kanaka opio a Mr. J. Lor \Vallach i hoike ai imua o ka lehulehu ma Aala Paka; a i hooia ai hoi oia (Mr. Wallaeh) imua o lakou e hiki ana iaia ke lapaau i ua kanaka opio \? , a hiki i ka mohala a oni maikai ana o kona mau manamana lima pepee; a ike hoi kona ili i ka eha, ma na wahi i ike mua ole; na poino hoi o ua kanaka opio la i hiki ole ke hoelaia e na kauka o ka Papa Ola. A ua hooia mai nohoi o Mr. Walaka ma ka olelo ana mai, e hoi hou ana no na manamanalima pepee o ua kanaka opio la a ko lakou kulana mua Ioa, ka hiki i ka oni ame ka mohala maikai ke.pap pono na manawa o ewalu pule a oi iki aku ma ka hoomau ana o ua kanaka opio la i ka ai ana i kana mau laau lapaau a pela hoi me ka hana ana i na laau hamo. A ua a'o aku no oia i ua kanaka opio nei, o ka hoomau no i ka ai ana i ka laau ka mea e mahuahua loa ai ke kuonoono mai o ka palekana.