Ka Naʻi Aupuni, Volume V, Number 12, 17 January 1908 — Pelukua Hou ka Peresidena. [ARTICLE]

Pelukua Hou ka Peresidena.

Ua leaa mai ia makou ka lono hoopuiwa a hookahaha noonoo nohoj, no ka hoololi hou ana ae o ka Peresidena o ka Papa Ola i kekahi o na pauku ano nui lod o loko o ka aelike e hoopaa ia ai o Mr. Wallaeh ame ua Peresidena nei o ka Papa Ola, ma ka aoao o ke Komite o ehiku lala ma Kalaupapa, Molokai. O keia wahi o ua aelike nei i hoololiia ai e ua Peresidena nei mamuli o kona manao po noi iho ame ke kukakuka mua ole ana hoi me Mr. Wallaeh ka mea i kuleana ponoi maoii i ua aelike nei; a i oie, me ke Komite o umi lala ma Honoiulu nei; oia no ka ae ole ia ana e loaa i hookahi Ki o ke pani puka owaho loa o ka pa e hoopuni ana i ka haukipila e lapaau ai o Mr. W allaeh i kana poe ma'i i wae ai mai Kalaupapa ame Kalawao mai; oiai nae, ma ke noi a Mr. Wallaeh, a i kakooia hoi e ke Komite o ehiku ma Kalaupapa, e ae;a i hookahi Ki o ua puka pa la ia Mr. Wallaeh. Aka, i keia lohe hou ana mai nei hoi o makou, ua lapuu hou ae la ka uhane o ua lauwili nui nei o ka Papa Ola, a hoole iho la i keia wahi o ka aelike. Ina pela, he pelu kua maopopo keia o ka Peresidena o ka Papa Ola ma kona aoao, a e halaoleānao Mr. Wallaeh i ka olelo ana ae, aoie o'u makemake e hooko i kekahi aelike i hoikeia ae ka naau eleele a lapuwale o kekahi kanaka elike la me Pinkham ke ano, e noho ana i Za maluna o ka Papa Ola. He kumu kupono keia na ka lahui e hapai ai i ka olelo hooholo hilinai ole i na poe o heia ano.