Ka Naʻi Aupuni, Volume V, Number 12, 17 January 1908 — Masiliona ke Koa -A ME- Muganolia ko ipo! [?] [ARTICLE]

Masiliona ke Koa -A ME- Muganolia ko ipo! [?]

K Alahele x Cadilaka Kakela — Ka Pana Ptxa Akam\i — Ke Kakele Pahikaua Aiwaiwa. Lalau aku la ka Naita Guisuma me kona mau lima elua i ka lima o ka Naita malihini me ka pane ana'ku hoi: "E ka Naita Geofere o Alehiona, o oe anei keia a'u e ike aku nei me ke kamahao ame ke kupaianaha. Pehea la ke au o ka manawa i hoohui hou ai ia kaua ma keia wahi o ka aina pua lilia o Farani nei? He mea oiaio, ua hoohewahewa aku nei ka ike o ko'u mau onohi maka ia oe, oiai oe ma kahi mamao iki mai a'u aku, aka; ano; i kōu kokoke ana mai nei ia'u, ka wa i oili mai ai na helehelena kamaaina ou mai loko mai o na helehelena malihini a'u i ike aku nei maluna ou. Aloha oe, e Monasiu Naita Geofere. Hauoll ]oa au i ka hui hou ana me oe." Ike aku la au i ka mino aka ana mai a ua Naita Pelekane nei, a pane mai la oia me ka leo oluolu: "E ka Naita Buliona, ka mea i hea ia i kekahi wa o Dubona, a o ke koa hoi i hoonaniia ma ka inoa Guisiuma; he oiaio kau i olelo mai la ma ke ano, ua hoohewahewaia kou mau onohi maka ia'u. Ae; elike me ka loli ana o na mea ulu mai ko lakou kulana opiopio a ko lakou kulana oo; pela no ka loli ana o ke kulana o kakou nei, ke kanaka; a ua ike no oe e kuu hoa o na kaua Kerusade o ka Hikina. "Aole no au i moeuhane mua e halawai ana au me oe, e Sir Naira Guisiuma Dubona Buliona, ka Olali o Palesetina, maloko nei o keia ululaau. O kahi a'u i manao loa ai e halawai pu kaua, ma Sana Iakobo no ia, kahi hoi a'u i manao loa ai, malaila au e hoao ai i ko'u makaukau hoolele haau ihe a oniu pahikaua me ka uhau ana i ke koi kaua me ka Naita opio nona ka inoa i kaulana ae ma na aekai o Alebiona; a ke ole au e kuhihewa,oia no keia kanaka opio e ku mai nei me a'u; a o ka mea hoi a'u e manaoio loa nei, o ka Naita Masiliona de Masana, ka hoaloha o ka Pana Pua Robine Huda i hoea ae nei i kona aina hanau?" O keia mau kamailio hope a ua Naita nei, ua huli mai la'oia a kamailio mai la ia'u, a haawi mai la nohoi oia i kona lima aloha, me ka olelo ana mai: He malihini kaua ma ko kaua ike ana i kahi ame kahi; aka, he kamaaina au ia oe ma kou inoa, mamuli o ka hoike ana mai a kekahi o kou mau hoaioha oiaio, oia o Ro bine Huda. Aole no au i manao, e halawai ana au me oe ma keia wahi. Elike no me ka'u i hoike ae nei i ka Naita Guisiuma Dubona Buliona o Sana Iakobo ka'u wahi i mamanao ai e hui me oe ame kuu hoa kahiko nei. "O oe ka'u i makemake ai e halawai. Ua ake loa au a ua moeuhane mau hoi au, e halawai au me oe, a e hoao i ka nui o kou makaukau kakele mea kaua o na ano apau no -jka hanohano o ka kaua oihana e paa nei. Aka, ua halawai q au me oe ma keia wahi; a o kahi kupono no paha keia e hookoia ai ka iini o ko'u puuwal. "Ua haiiia mai nei au, he lealea ana ka na makua hemolele o ka pono e malama ana i heia auina la. Owau ka g makamua ma ka aoao o na malihini, he naita no ka hanohano piha o na mea kaua, ke ae laelae nei e ku e paio me na, poe apau e huipu mai ana me a'u iloko o keia kona akea. "Aka, e kala mai oe e ka Naita Opio ia'u ma keia

wahi, oiai, aole au i haawi aku nei i ka'u mau hoomaikai ana. no kou awaiaulu ia ana iloko o ke apo o ka rr.ateremo nio; nolaila, e lawe aku i ka'u mau hoomalkai ana no ka loaa ana o keia haawina hiwahiwa ia oe, mai loko lilo maj o na kihene aa koko o ko'u puuwai. "A i noi aku au ia oe e Masiliona, e lilo oe i hoa kakele no'u no ka la lealea; afe ae ia hoi o Lede Masiliona de Masana i Moiwahine nana e haawi i ka olelo hooholo no ka mea o kaua e lanakila ana ma ko kaua hoonee ana i na mea kaua ame ka ikaika o ko kaua mau aa-huki i keia auina la. "Ua lawa paha kaua me hookahi, mahele o na mea kaua e hoonee aku ai kaua; oia hoi, ka pahikaua. Pehea la ia? Lalau aku la au i ka lima o ua Naita nei, a haawi iho la maua i ke aloha i kahi ame kahi. A pane aku la au imua o ua Naita nei: E ka makamaka maikai, ke apo mai nei au i kau hoomaikai i hoike mai nei; a ke hauoli nei au i ka ike ana, ua lilo ko'u wahi inoa haahaa i mea kono aku i kekahi o na Naita oiaio o Alehiona e au mai oia i ke kai, a e alo mai hoi i na inea o loko o na ulnlaau ame na kula oneanea o kahi au i hele mai nei no ka halawai ana me a'u. A ke ae nei au, e lilo ka pahikaua i mea paahana e hooiaioia ai ko kaua mau makaukau. I ka pau una o ka'u mau olelo, ia wa pane mai ai ka Moneko Duwala: Aole i pau.