Ka Naʻi Aupuni, Volume V, Number 11, 16 January 1908 — Aole no Ke Kalaiaina. [ARTICLE]

Aole no Ke Kalaiaina.

Eia kela Za o ka Papa Kumakaia ke kula nei i na» olelo pelo i kekahi poe, a i na_Komite Ehiku nohoi o Kalaupapa, he mau hana kalaiaina wale no keia a Kahiliaulani e pili ana ia W alaka, aohe oiaio o ke ola o ka ma'i lepera. Aole oia wale no, aka, he nui wale aku o na ano olelo hoino pili kino e hailuku ana i ka makua o ka lahui, ka , mea e paio hookahi nei me ka wiwo ole no ke aioha i kona mau hoa lahul iloko o ka popilikia. Aole o Kahiliaulani he mea makemake imi pomaikai ma nei ninau ma'i lepera, oiai, aole ona mau waiwai kalepa e hoounaia nei i Kalawao elike me ka lakou i keehi ino ai i ka mana o ka Ahaolelo, i mea e hiki ai ke hoopukapukaia ko lakou mau waiwai popopo i na poe ma;i lepera, aoka nui o na poe lepera ma Molokai, ke kumu e nui ai ko lakou mau ulakolako. A nolaila, aole lakou ae e hoolaia ka ma'i lepera mamuli o ke aloha i ka nui o ka waiwai. A, aole nohoi no ke kalaiaina ko Kahiliaulani mea i hooikaika ai, aka, he mea ikemaka oia i ka hoolaia ana o ka ma'i lepera ame ka lima maloo, e hiki ole ai iaia ke a'ua iho a hunakele i keia pomaikai i kona lahui aloha. O Chas. Hoekano ka lima maloo i hoomohala ia e Walaka iloko o na la pokole o ka lapaauia ana, ka hoike e hiki ole ai i ka Peresidena o ka Papa Ola ke hoole i ka' oiaio o na olelo a Kahiliaulani. No ke aloha i ka lahui i hooikaika pauaho ole ai o Kahiliaulani, a e nee mau aku ana no keia hana imua a hiki i ka weluwelu liilii ana o na kui ko-lu hookaumaha a ka Papa Ola.