Ka Naʻi Aupuni, Volume V, Number 9, 14 Ianuali 1908 — Masiliona Ke Koa -A ME- Magnolia ka Ipo! [?] MOKUNA IV. [?] [ARTICLE]

Masiliona Ke Koa -A ME- Magnolia ka Ipo! [?] MOKUNA IV. [?]

4 0 kahi mea ano e loa ma keia akoakoa ana a makou ma keia wahi, aole au i ike aku he poe moneka kekahi. Aole nohoi o ka nui o na naita apau; aka, o ka poe wale no i pili ia'u ame Maganolia, e laa ka Naita Guisiuma, ka Madame Maboriana de Stella, ka luaui makuahine o Maga nolia. Ke Kauna Kadilaka ame kekahi poe kakaikahi loa. Oiai au ame Maganolia e ku ana malalo o ka papahi pua i hanaia me ka maiau loa, ia wa i komo mai ai o Duva la ame kekahi poe kanaka a'u i ike mua ai i ko lakou mau ano ma ke kahua hoolulu o na kanaka Arabia ame ka hale 0 na moneka i ike ai au i na mea hoopahaohao pili i ka Na ita Guisiuma Buliona Dubona. Ua hele mai la na mea apau e ike ia maua. A ia wa 1 ku hou mai ai o Duvala a kamailio mai la imua o makou ma ka olelo ana mai: He mea pono ia'u ke hoike aku imua o oukou apau, ua hookuu o Maganolia apau i kona kuleana iloko o ka hale kakela o Kadilaka; a ua hoolilo aku oia i kona kuleana malokō oia hale kakela i ke Kauna Kadilaka. I hooiaio no keia mea, ke hoike aku nei au ia' oukou i ka palapala i kakauinoa ponoi ia e Maganolia a i hooiaioia imua o kekahi luna hooiaio i aponoia ma ke kanawai. Ia wa unuhi ae la ua Duvala nei mai loko ae o kona poli i kekahi palapala a hoikennai la oia imua o ke Kauna Kadilaka, me ka olelo ana mai: "E ke Kauna Kadilaka, i keia la e haawi aku ai au i keia palapala ia oe, ma ke ano o ka Maganolia makana ia ma keia la o kona materemonio ana me ka mea a kona naau i aloha ai, A ke lana nei ko'u manao me ka maikai e apo mai ana oe i keia makana a Maganolia me ka hauoli. 1 hai aku au ia oukou apau, ka poe e lohe mai ana i ka'u mau olelo e hoike aku nei i keia wa; o keia Hale Kakela o Kadilaka, ke kumu nui o ke kuee ame ka paio ana mawaena o na koko i pili i ka ohana alii o Kadilaka. "Aia no iloko o keia Hale Kakela, he kuleana ko ka Madame Maboriana de Stella; a ke ole au e kuhihewa, ua paa no kona manao e hoolilo i kona mau kuleana apau iloko o kela hale kakela i ke Kauna Kadilaka nei. A ma keia wahi, ke hoike aku nei au imua o oukou, o ka Naita Masiliona i keia wa a oukou e ike nei, ke kanema re a ke kamaliiwahine Maganolia, e ku nei imua o oukou apau, oia ko'u puuhonua i pakele ai au mai kekahi popi likia weliweli i ulu mai, noloko mai no o keia waiwai hookahi no a'u i hoike ae la. O keia kanaka opio e ku nei imua o kakou apau, he pilikana oiaio loa oia no ke Kauna Kadilaka; aka, mamuli-nae o ka makemake o kona luaui makua kane, ua lilo oia ma kela la i hoopakele ai oia ia'u i kauwa na ke Kauna Kadilaka. "Ua ike mua au i ke ahi o ka wiwo ole e lalapa ana iloko o kona houpo. A ua ike nohoi au ma ia la, he pili oia ia'u ame Maganolia nei. He koko oiaio kona iloko o maua; a he alii hanau hoi ia no Farani nei. Ua: hoomaopo po au, iloko oia mau la, e noho ana ka opu kekeue ame ka enemi mawaena o makou apau, a he mau la ia i hookalaia ai ka oi o na makakila ame na koi kaua mawaena o ka Ha le o Kadilaka, ame ko maua hale me Maganolia. "Ua hoopakele o Masiliona nei ia'u ma ia la me ka puuwai koa oiaio, me kona ike ole hoi ma ia la, o kona ha ku i hoounaia mai ai e kona luaui makuakane, aka, aole o Kadilaka i ike iaia; a pela nohoi oia iaia. "O Kauna Auria o na waolaau ma ka hema aku o na Ma una Pirene, he kanaka oia i konio mai iloko o kapoaio ke kaili ana'ku i na palapala ano nui loa mai a'u aku, e pili ar.a i ka Haīe Kakela Kadilaka. Aka, ua lilo nae kana

mau hana i mea hoopahu'a wale ia e kuu keiki nei, hunona. hoi a'u, a pilikoko ponoi loa o oukou apau e ku mai nei imua o'u i keia la. "Ma ia la i olelo aku ai au iaia nei, aole pono oia e uhai mai ma ko maua alahele me Maganolia; nokamea, ua piha ia alahele i ka poino me ka popilikia. Ma ia la i ninaninau hoohuahualau aku ai au iaia ma kekahi mau mea e pili ana iaia; aole no ko'u ike ole mua ana ia mau mea; aka, i hiki ai ia'u ke hoopouliuli aku i kona noonoo, ma ke ano, he kanaka au i ike ole i kona makuakane, a he malihi ni loa hoi au iaia. "Ano, e lohe oukou apau, a e ike mai nohoi, ke haale le loa nei makou i ko makou kuleana apau iloko o kela hale kakela. A oia auanei ka mea e kinaiia ai a hoopauia hoi ka lalapa mau ana o ka inaina ame ka mokuahana mawae na o na poe apau i kuleana i ua hale kakela nei. A me keia mau huaolelo, ke hooki nei au i ka'u hoike ana'ku imua o oukou apau. A ke nonoi nei au i ke Akua ma na lani kiekie loa, e hoomaikai oia ia kakou apau. I ka pau ana ae o na olelo a ua Duvala nei, ia manawa i ku ae ai ka Naita Guisiuma me na waimaka e hiolo ana ma kona mau papalina, hele mai la oia, a lalau mai la i na lima o Duvala, a pane mai la oia: "E kuu hoaloha! Pehea la i hoomakapo ia ai ko'u mau maka, a hiki ole hoi ia'u ke ike, o oe no e Duvala ka'u e ike nei i ka maalo ae mamua o'u? Aka, ua hala ke pohihi hi, a eia au ke ku nei iloko o ka malamalama. Ua lohe aku nei au i na mea apau au i hoike mai nei imua o makou a ua like kau mau huaolelo i hoike mai nei me he moolelo kaao hoopahoahao loa la i haku ia e ka noonoo koho wale o kekahi kanaka.