Ka Naʻi Aupuni, Volume III, Number 24, 1 February 1907 — Nuhou i na Aina E. [ARTICLE]

Nuhou i na Aina E.

HAALELE NA HUKINI IA MANCHUR1A. Sana Peteroboro, Feb. 1 — Ke hoomaka nei ka haalele ana o na Rukini ia Manchuria nei. ' LAULAHA KA MA'I FIVA LENALENA MA KIKAKO. KIKAKO. Feb. 1 — He 4447 poe i loohia i ka ma'i ahulau maloko nei o keia Kulanakauhale, he 3057 o lakou i loaa i ka ma'i fiva lenaleha. NA PAPU PALE NO HAWAII NEI. Wakinekona, D. C. Ian 31 — Ua hoike ae o kakauolelo Taft. o ke kumuhana i hoolalaia ai no ke pale ana ia Hawaii nei, a i waihoia aku ai imua o ka Ahaolelo Lahui, ua kulike no ia me na mea i hoolala mua ia e kona keena. PAU KA PILIWAIWAI L0TERE. Nu Olina, Feb. 1 — Ua hoopauia ka Lotere Honduras, oia ke pani-hakahaka o ka oihana [piliwaiwai] lotere o ka uiokuaina o Lusiana. PAU. I h.E AHl Cripple Creek, Colorado, Feb. 1 — Ua pau i ke ahi na pala. pala hoike e pili ana i ka hihia o Havwood Moyer. [O keia ka hihia i hoopiiia ai o Havwood-Moyer o ka Hui o na poe Limahana maina o ke Komohana; no ka pepehi ana ia Kiaaina Steu nenbery o ka mokuaina o Idaho.J HE $400,000 NO HONOLULU ME HILO. Wasinetona, Ianuari 24 — Ua waihoia aku ka Bila Kanawai a ke Komite o na Awa Pae me na Muliwai iloko o ka Hale o na Lunamakaainana, no na haawina dala no na awa pae me na muliwai, nona hoi ka huina o $83,000,000. M iloko o keia bila haawina a ke Komite, ua ikeia na itamu o $200,000 pakahi, no ke awa o Honolulu nei, a no ke awa nohoi kekahi o Hilo. HOOPIHOLOIA NA AUWAA LAWAIA. Hongkong, Ian. 28 — Iloko o kekahi kikiao makani ikaika i pa mai ai me na haule kuaua, ua hoopiholoia he 5« auwaa lawaia o kekahi poe Pake; a ua oi aku mamua o hookahi haneri Pake i holo-a-i'a iloko o ka opu o ka hohonu. MAKE MAMULI O KE PAHU aNA O KA EA AA. Saarbuck, Ian. 29 — O ka nui o ka poe i make mamuli o ke pahu ana o ke ea aa o loko o kekahi lua eli lanahu, he 160. He 70 na kino make i loaa mai.