Ka Naʻi Aupuni, Volume II, Number 104, 3 October 1906 — Moolelo Hawaii Kahiko. [ARTICLE]

Moolelo Hawaii Kahiko.

Hoomakaukauia e J. M. Poepoe no KA NA'I AUPUNI MOKUNA III. MOKUNA IV. Ka Oihana Kilo Hoku Hawaii. IWIKAUIKAUA He hoku uuku iki iho keia malalo iho o ka hoku Haloa. Aole maopopo ka wa i ike mua ia ai keia hoku, aka, ua oleloia nae, ua ikeia keia hoku i ka wa o Umimikukailani, a ua kapaia ma ka inoa o Iwikauikaua, ke keiki a Makakaualii{illegible} me Kapukaamola. Uliuli ame Malulani He mau hoku keia e kapae ana ko laua kulana malalo mai o ka hoku Iwikauikaua. Ua manao kekahi poe, he mau hoku keia no Bolabola, a mai laila i loaa mai ai kela inoa i Hawaii nei. Aka, ma ka moolelo Kumulipo, he inoa o Uliuli no kekahi wahine o Hawaii nei, oia hoi ka wahine a Kupolokalili, a o ka hanauna 445 ia mai a Lailai mai o „ a o ka 457 hanauna hoi ia mamua aku o Wakea. Melemele ame Bolabola He mau hoku ku-lua keia. Ua kapaia o Melemele he hoku kane, a o Bolabola ka hoku wahine O Melemele, oia no kekahi inoa o kela wahine a Ku polakalili ae nei. O Bolabola ua olelo kekahi poe he inoa Hawaii no ia, oia hoi o Polapola, aka, o ka mea maopopo paha, aole loaa ia inoa Polapola, a o Bolabola paha maloko o na inoa hoku i hoikeia ma ke Kumulipo. Hanakauluna ame Hakalauai. He mau hoku keia ma ka akau o ka hoku Aika kanaka, e hele hio ana laua mai ke komohana a i ka hikina. Ua oleloia, he mau hoku keia e hoike mai ana i ka ino, ka pilikia ame ka ma'i nohoi. AIKANAKA. He hoku nui keia ma ka hema o ka hoku Hana kauluna, Ua heaia keia hoku ma o Aikanaka la, keiki a Hulumanailani me Hinamaikalani (w) a kupunakane mua hoi no ka hoku Iwikaui kaua i hoikeia ma ka mahele 3 ae nei. He hoku hou keia. Aole ikeia ka; inoa o keia hoku (Aikanaka) ma ka papa o na hoku o ke Kumulipo i hoikeia ae nei. KEAWE. He hoku keia ma ka hema o ka hoku Hua. Ua hea ia keia hoku ma ka inoa o Keawe kekahi alii nui o ka wa kahiko. MAKAHA AME MAKOHILANI. He mau hoku keia e kokoke ana i na Huihui. Aohe mau mea ano nui o keia mau hoku. aka he olelo ia nae he mau hoku laua no ka poe pakaha, alunu a pela aku.