Ka Naʻi Aupuni, Volume II, Number 33, 11 July 1906 — KA MOOLELO O KAMEHAMEHA I. Ka Na=i Aupuni o Hawaii. [ARTICLE]

HE MOOLEO NO: KAMEHAMEHA 1.

Ka Na=i Aupuni o Hawaii.

Malia paha, eia no ka pau pono loa o keia mele i kekahi poe kahiko e noho mai nei; nolaila, he mea pono i ka poe i paa a mele nei ke hoouna mai i ka mea kakau o keia moolelo * * * * O ka wa i make ai o Keona Kuaahuula he nui no ka like ole o na manao o ka poe kakau moolelo ma keia mahele. Manao o Davida Malo, ua make o Keoua mamua aku o ka hooukaia ana o ke kaua o "Kepuwahaulaula." Olelo hoi o Dibela, ma kana moolelo Hawaii, ua make oia (Keoua) mahope iho o kela ikeia ana o ka luaipele kamahao o Kilauea i lukuia ai na koa o ua o Keoua. A oia paha ka hapa hope o ka M.H. 1791, a i ole o ke hoomaka ana o ka M.H. 1792. Olelo hoi o Jarvis, ua make o Keoua ma ka M.H. 1793. A olelo o S M Kamakau, ua make o Keoua mahope iho o ka paa ana o ka heiau o Puukohola, a oia ka hapa hope o ka M.H. 1791. Ua hoike o Aberahama Fornander, ua make o Keoua i ka hapa hope o ka M.H. 1791. I ka make ana o Keoua Kuahuula, a liuliu wale mahope mai, ua hoomakaukau iho la o Kamehameha e kaahele poai puni ia Hawaii no ka hoolaupai ana i ka aina. Nolaila, hoakoakoa a houluulu mai la o Kamehameha i kona poe alii a pau imua o kona alo. a i ka akoakoa ana mai o na'lii imua o ua Paiea nei, ua hoike aku la oia i kona manao imua o lakou, penei: "E na'lii o ka aina! E lohe oukou i ko'u leo a me ko'u manao; a oia keia, ua make ko'u mau hoahanau elia, na keiki ponoi a Kalaniopuu; a eia ka aina apau o ka moku o Hawaii nei malalo o'u. A, ua manao au e kaapuni kakou a pau ia Hawaii nei no ka nana pono ana i ka noho'na o na kanaka. Nolaila, ke ui a ke ninau aku nei au i ko oukou mnaao Pehea la keia manao ke alii i hoike aku la imua o oukou; a oiai nohoi, ua manao au aohe paha he makaha ai aupuni a he namu ai alii i koe o ka aina? ī keia wa i ku aku ae ai o Keaweaheulu i luna, a pane mai la imua o Kamehameha a me na 'lii apau e noho ana iloko a ka Aha Ula. Auhea oe, e ke alii. E hai aku au i kko'u manao ia oe, a e lohe oe a me na 'lii a pau e noho nei i ko'u manao. No kau olelo, e ke alii no ko kakou hele e hoolaupai i ka aina o Hawaii nei; ke au aku nei au ia manao. A no kau hoohuoi ana mai nei hoi, no ia mea he ma-kaha ai aupuni a he namu ai alii; a o kekahi ano oia manao ou, e ke alii, aohe ou manao he kipi kekahi o loko nei o ka aina, ke hoike aku nei au imua kipi, e noho nei raawaena o kakou. Oua kipi 1», i hoike ae no au ioiua o kakou a pau, oia no ko hoahahau, e ke alii, oia hoi o Keaweokahikona. O keia ke kipi la a'u i hoike aku la. A eia iho no iwaena ona 'iii i na'i pu ai me oe i ka aina. Tka lo.be ana o Kamehameha i nei mau olelo a Keawe_ aheulu, ua kulou,'iho .la kona-poo ilalo, a liuliu; linli ae la ia a nana malie ae la kona mau maka i na 'lii apau. Mahop.e huli aku la ia a nana pono aku. ia "Keaweaheulu, a hoopuka aku la-oia i na huaol'elo me ke kūoo.