Ka Naʻi Aupuni, Volume II, Number 17, 21 Iune 1906 — KA MOOLELO o Hiiaka-i-ka-poli-o-Pele. [ARTICLE]

KA MOOLELO o Hiiaka-i-ka-poli-o-Pele.

(Hoomauia.) E hea aku ana au i na makani o Anahola, a he wahi aina keia o Kauai nei i lehulehu na makani. O ke pookela nae o ka aina makani o Kauai nei, oia o Wainiha. He ekolu mau aina piha makani o Kauai nei, oia o Wainiha Anahola a me Naue. He elua Kuaima me Akahi Kauna na makani o Anahola; he Eono Kualima me na keu Elua ka nui o na makani o Wainiha; a he Ekolu Kualima me Akahi Kauna na owili makani o Naue. NA MAKANI O ANAHOLA 1 He Anu ka makani o Anahola 2 He Kiuwailehua no aia ilaila 3 Hokualele ka makani o Anahola 4 He Aopoonui ka makani o Anahola 5 He Lāupeekoa ka makaiii o Anahola 6 He Laula ka makani o Anahola 7 He Laekuaehu ka makani o Anahola 8 He Akeakea ka makani o Anahola 9 He Laekahala ka makani o Anahola 10 He Ulumano ka makani o Anahola 11 He Aoao a ka makani o Anahola 12 Holoikalapa makani pee malualua o Anahola 13 Holoahiukaimaloo ka makani o Anahola 14 He Malua ka makani kai nui o Anahola I ka pau ana o ka hea ana o ua Pele nei i na makani o Anahola, hoomau aku la no oia i ke kahea ana i na makani o na aina mawaena o Anahola a hoea i Wainiha; a oia iho keia: "He Nihiaumoe ka makani o Kalalea He Aomuku ka makani o Aliomanu He Kaipiha ka makani o Aliomanu He Puea ka makani no Papaa He Kukulu-kauwila ka makani Uluoma He Lalawe ka makani no Puweuweu He Unumahele ka makani o Halelea He Hookololilo ka makaui no Moloaa He Kamoe ka makani o Pilaa He Huikai ko Lepeuli He Haliokaunuunu ka makani lele 0 Koolau He Imolani ka makani 0 Kiala He Alaololi ka makani 0 Kealakaiole He Waikoele ka makani o Kaapuna He Ahea ka makani o Waiakalua Ha Uhao ka makani o Kahili He Waimio ka makani o Kilauea He Aopoomuku ka makani o Nihoku He Aekai ka makani o Mokuaeae He Kauapea ka makani o Nanahana He Uhimokihana ka makani o Kaunulehua He Koakumuole ka makani o Kahilikolo He Akeuanu ka makani o Eauapea He Maheu ka makani o Kalihiwai He Piinae ka makani o Kaihalulu He Ohilani ka makani o Hanapai He Naenaopamalo ka makani o Kahaleala. He Moae-kaiu Koolau makani mawaho Oleio ke kupa o ka aina ua malie Ua au Koae; He Nau ka makani o Kalihi-kai Hoolale ka makani o Kalaehonu He Kuula ka makani o Auini He Paehahi ka makani o Kaiholena He Olauniu ka makani o Puupoa He Lihau ka makani o Lanihuli He Hinano ka makani o Luie He Hao-Koolau ka makani o Halelea He Hau-kaee ka makani o Hanalei-iki He Luhau ka makani o Hanaloi-uka Ke Luiapoaihau ka makani aloha o Kanaloa E ala Kahaumu makani aloha E ala Kahauomao makani aloha E ala ke Paniwai makani aloha E ala! E ala! ! E kuu mau hoa hele o Waikaee nei la. (E UOOMAUIA AKU ANA.)