Ka Naʻi Aupuni, Volume I, Number 102, 26 March 1906 — Hoolaha Hookapu! [ARTICLE]
Hoolaha Hookapu!
KE HOIKE ia aku nei ka lohe i na mea apau, e hele nei i ka auau kai, a lawaia paha ma ke Kai o Hamohamo, ma Waikiki-kai, Honolulu, Oahu, ke hookapu nei ka Moiwahine Liliuokalani; Aole e kii i ka Limu Pakeleawaa, me ka Limu Huluhuluwaena, Opihi, Pu-pu-Alealea, I-na, Haueue ame ka Pipipi, ma ke alo ponoi iho o ka pa Alii. Na kona mau lima Alii ponoi no i kanu a hookawowo i keia mau mea apau i hoikeia aela maluna, a o ka mea e kii ana i keia mau mea e Hookapuia nei, e hopu ia no oia, a hoopaiia e ke kanawai. O keia mau mea apau i kanuia e ka Moiwahine, mai Hilo i lawe ia mai ai kekahi, no Lahaina kekahi, no Molokai kekahi, no Kauai kekahi, no Waialua, Oahu nei kekahi. E Hoolohe i keia Hookapu. J. O. Carter, Agena Honolulu, T. H., Mar. 1, 1906 d82-1mon.