Ka Naʻi Aupuni, Volume I, Number 82, 2 Malaki 1906 — Na Anoai. [ARTICLE]

Na Anoai.

Apopo hoopuka aku makou i ka makou unuhina o ka olelo hooholo a Lunakanawai De Bolte ma ka hihia a ke Teritore kue ia Wo Sin. He olelo hooholo ano nui loa keia e pili ana i ka mana hookolokolo o na Aha Apana. Ua eleu mai nei keia mau kaikuahine o Ka Na'i Aupuni i ka lawe ana mai i mau wahi kamau umeke poi uouo, e ola ai KA NA'I AUPUNI, oia o Mr. Waipa he 75 keneta, a o Mrs. S. Kia, he 75 keneta. Mahalo. Ua waiho aku nei o Mr. Wm. Sumner Ellis i kona kulana makai no ka Aha Kaapuni, malalo o Lunakanawai Linday, a e hoolilo aku ana oia i kona manawa ma keia hope aku ma ka oihana haku mele, a'o himeni ame na mea kani. Ua hoopaneeia ka makou Astrotogia aia a hoea aku i ko makou pepa o ka la 22 o keia mahina, alaila, hoopukaia aku; aka, ma keia mau manawa aku e hoopuka aku ana makou he mau mahele pili akeakamai o ke ano hou loa. Eia na makamaka o KA NA'I AUPUNI i hoomanao mai nei i ke ola o ua koa kaulana nei o Hawaii: J. Paia, $1.00; Tom Hiona, 25 keneta; C.P. Mahelona, 75 keneta; D. Kahaleua, 75 keneta; Mr. Kamaliikane 25 keneta; Mrs. Ekekela, he 75 keneta. Ua hoea mai kekahi keonimana Hawaii, nona ka inoa o Mr. J. Paia ma ko [makou] nei keena, ma ka la inehinei, a hoike mai imua o makou, ua kulike loa keia moolelo o Hiikaka me ka moolelo Hiiaka i kaao ia ai me ke anoano @ ke kapu ame ka ilihia i kona mau la opio. O ka hooia no keia a kekahi poe; aka, he nui no nae na mana o ka Hiiaka.