Ka Naʻi Aupuni, Volume I, Number 74, 21 Pepeluali 1906 — KA Moolelo Hawaii Kahiko. [ARTICLE]

KA Moolelo Hawaii Kahiko.

Hoomakaukauia e J.M. Poepoe no KA NAʻI AUPUNI MOKUNA I. Na Kuauhau Kahiko e Hoike ana i na Kumu i Loaa ai ka Pae Moku o Hawaii nei. Ua ulupa, enaena ka pohaku O Ihilani, o Ihiaoao O hoene, nakeke i ka lani O nehe i ka honua * * * * * * Hulihia ka mauna wela i ke ahi Wela nopu i ka uka o Kuihanalei Ke a pohaku puu lele mai i uka o Kekakoi * * * * * * O ka aina o Pele i uka Ua ku ke oka aia i kai * * * * * * Kunia ke one, haule mai ka ua Kaa mai ka pohina, wili mai ka punohu Ka ua koko, ke owe la i ka lani * * * * * * Puhia Puna <illegible> ke awa. Oni Puuonioni <illegible> haa ka papa o Apua * * * * * * Kui ka ua <illeigible> nei i ka papa Kui ka <illegible> kahe ka wai * * * * * * Hulihia ke one o Kahakuloa Ua nakaka ka pali, ua lewa ka honua Ua anapau ke ahi o Kilauea Ua lele ka pohaku iluna * * * * * * Ua wawahi o Pele i kona kino O ka ua, o ka la, me ka hekili Ua kaulu-wela luna o Oolu<illegible>wela Hulihia Kukailani, nei aku la i pili (poli) o Hooilo. Ale noho mai ana Papalauahi O mai Pele i kona kino He-kikili ka ua mai ka lani mai Nei ke olaʻi Ha hoaka pohakahi a ka Ikuwa. Aole paha he mele "Hulihia" i maopopo loa kana hoike ana no keia au hulihia nui ana o ka honua aina kahiko, e moe ana mai Hawaii mai a hoea i Nihoa; a e hoomaopopo ana hoi i ke kumu nui o ka mokumoku ame ke kakaawale ana o keia mau mokupuni, elike la me keia mau mele "Hulihia" o hoikeia mahope ae nei.