Ka Naʻi Aupuni, Volume I, Number 70, 16 February 1906 — KA Moolelo Hawaii Kahiko. [ARTICLE]

KA Moolelo Hawaii Kahiko.

(ANCIENT HISTORY OF HAWAII.) Hoomakaukauia e J. M. Poepoe no KA NA'I AUPUNI. MOKUNA I. Na Kuauhau Kahiko e Hoike ana i na Kumu i Loaa ai ka Pae Moku o Hawaii nei. O na hoku i kakia ia I paa, i paa i ka ili lani a Kaho O na hoku i Kahakahakea O na hoku kapu a Kane O na hoku lewa a Kane O kini, o ka lau, o ka mano o ka hoku O ka hoku nui O ka hoku iki O na hoku ula a Kane He lewa! * * * * * * * * * O ka mahina nui a Kane O ka La nui a Kane A hoolewa a lewa 1 hoolewaia i ka lewa nui a Kane * * * * * * * * * O ka Honua nui a Kane O ka Honua i Kapakapaua-a-Kane O ka Honua a Kane i hoolewa O lewa ka hoku, o lewa ka malama O lewa ka Honua nui a Kane." Eia iho no keia mau mahelehele o na mele kuauhau a na kupuna kahiko: "Kane i ka po loa Ku ame Lono i ka po loa O Hiikapoloa ke 'lii Ka po kapu i hoano e O aiau ka Po O ke kaha ka Po anoano O Mau-kulu ka Po eleele Ka Po ke haiamu O Kane, o Kukapao Me Lono-nui-noho-i-ka-wai Loaa ka Lani, Honua Hoeu, kukupu, i-nana Ku iluna o ka moku Kane Po Lani, O Lani Makua O Ku o ka Pao i kiki lani O Lono Nui maka oaka Huila malamalama, loaa ka Lani Hooia i oia, O Kane-kumu hana O ka Lani hookanaka (E HOOMAUIA AKU ANA.)