Ka Naʻi Aupuni, Volume I, Number 59, 3 Pepeluali 1906 — KA Moolelo Hawaii Kahiko. [ARTICLE]

KA Moolelo Hawaii Kahiko.

Hoomakaukauia e J. M. Poepoe no KA NA'I AUPUNI. Na Kuauhau Kahiko e Hoike ana i na Kumu i Loaa ai ka Pae Moku o Hawaii nei, 7. O Wakea la ua kane, 8. O Papa, o Walinuu ka wahine, 9. Hookauhua Papa i ka moku, 10. Ho-iloli ia Maui; 11. Hanau Maui-loa, he moku, 12. I hanauia he ololani, he uilani, 13. Uilani he i kapa lau maewa 14. He nuu no Ololani, no Lono, no Ku, 15. No Kane ma laua o Kanaloa–o–a, 16. Hanau kapu ke kuakoko 17. Kaahea Papa ia Kanaloa he moku 18. I hanauia he pu-nua, he naia, 19. He keiki i'a na Papa i hanau 20. Haalele Papa hoi i Kahiki 21. Hoi a Kahiki Kapakapaka-ua 22. Moe o Wakea— 23. Moe ia Kaula-wahine 24. Hanau Lanai a Kaula, 25. He keiki makahiapo na ia wahine; 26. Hoi Wakea loaa Hina 27. Loaa Hina, he wahine moe na Wakea 28. Hapai Hina ia Molokai he moku, 29. O Molokai a Hina he keiki moku, 30. Haina e ke kolea a Laukaula 31. Ua moe o Wakea i ka wahine 32. Ena Kalani, ku ka hau lili o Papa—a—pa, 33. Hoi mai o Papa mailoko mai o Kahiki-ku 34. Ku inaina, lili i ka punalua 35. Hae manawa ino i ke kane o Wakea 36. Moe ia Lua, he kane hou ia 37. Hanau o Oahu a Lua; 38. Oahu a Lua, he keiki moku 39. He keiki maka-na-lau na Lua—u—a, 40. Hoi hou aku no me Wakea 41. Naku Papa i ka moku o Kauai 42. Hanau Kamawaelualani, he moku 43. He wewe Niihau, he palena Lehua, 44. He panina Kaula o ka Moku Papapa. Eia hoi kekahi moolelo kahiko e pili ana i na mokupuni o ko Hawaii nei Pae Aina, oia na mea i ikeia ma ke mele a Kahakukamoana, he kahuna nui i ka wa kahiko. A ma ia mele, ua ikeia na inoa o na mokupuni o Molokai, Lanai, Kahoolawe, Molokini, Oahu, Lanai, Kauai, Niihau, Kaula ame Nihoa, a oia keia mahope ae nei. (E HOOMAUIA AKU ANA.)