Ka Naʻi Aupuni, Volume I, Number 54, 29 January 1906 — Ka Moolelo Hawaii Kahiko. [ARTICLE]

Ka Moolelo Hawaii Kahiko.

Mamua ae o ko makou hoopuka ana aku i ke kino maoli o ka Moolelo Hawaii Kahiko, e like me ia i paanaau ai i ko kakou mau kupuna kahiko, e pono makou e hoakaka aku ma keia wahi i na mea e pili ana i na mea ano nui o ua moolelo la a makou i makemake ai e hoopuka aku ma ka helu mua o KA Na'i Aupuni e puka ana ma ka la 1 ae nei o Feberuari. O ke kumu nui o ko makou maremake ana e hoopuka aku i keia mahele ano nui pili i ko kakou morello, i mea e hiki ai ke hoomauia aku na mahele oia ano i nalowale loa i keia wa mai a kakou aku nei. Ua pau na bule a me na nupepa i paisa i na wa i kaahope ae nei, na wahi hoi i hoopukaia ai keia moolelo waiwai nui e S.M. Kamakau, Davida, Malo, Unauna, Koii ame kekahi poe Hawaii naauao he nui i hala mai waena aku nei o ko kakou poai, a ua nalowale maoli na mea waiwai nui loa o keia moolelo mai a kakou aku. Aole a makou kamailio ana no na haole ma keia mea, oiai mawaena o na poe naauao o lakou, ua lako maoli no ko lakou mau waihona palapala i na buke moolelo e pili ana ia Hawaii nei, ko ke au kahiko ame ko ke au hou. A. o kekahi poe haole naauao o ko na aina e i hoea mai i Hawaii nei mamua aku nei, elike me Pickering o Enelani; o Hitchcock o Nu loka, o Perkins o Pila@elepia, ame kekahi poe e ae i Hawaii nei ua hoopahaohao loa ia ko lakou mau noonoo a ua hoopiha kahaha maoli ia nohoi lakou i ka hoomaopopo ana, mamuli o ko lakou ninaninau ana i kekahi poe hanau o Hawaii nei ma na mea e piii ana i ko Hawaii nei mollo kahiko, ua nele maoli keia poe Hawaii i ka ike i ua moolelo nei. O keia hemahema nui, mamuli no ia o ko kakou nele ana i na buke ame na nupepa e hoike ana i keia mau moolelo waiwai nui o kakou. A no ia kumu i hoalaia mai ai ko makou iini e hoakoakoa mai a e houluulu mai i na mea i loaa mai ia makou mailoio mai o na buke morello kalikoaloha i paiia a i kakaulimaia, a me na nupepa Hawaii kahiko. i hoolahaia ai keia mau mahele waiwai nui, a hoopuka aku ma na kalamu o KA NA'I AUPUNI nei. A e lilo ia i mau mea kupono ke malamaia ma keia mua aku a malia he wa pomaikai e hoea mai ana ma keia mua aku a hiki no ke pa'i buke ia. A no keia Moolelo Hawaii a makou e hoopuka aku ana, e hele ana ia ma na mahele penei: 1. Ko na poe kahiko mau manao no ka loaa ana o ka Aina ma Hawaii nei. 2. Ka laupa'i ana o ke kanaka ma keia mau Mokupuni

3. Na Oihana Akeakamai i loaa i ko kakou mau kupuna, elike me ka oihana lapaau, oihana kaua, kilo hoku, kilokilo hale a pela wale aku.