Ka Nonanona, Volume IV, Number 21, 4 February 1845 — Page 101

1845.) KA NONANONA. 102

lima o Bruat me kekahi mau kanaka, i mau luna kanawai a me kekahi mau luna e ae malalo ona, a o lakou wale no na kanaka manao lokahi ana, i ikea ko lakou lokahi ana me na Farani.
                Mai puni oe ia Bruat, ina olelo oia, ua nui na kanaka i lokahi me na Farani, aole loa pela, makemake no nae paha kekahi poe i ko Farani moni.
                Hoomakaukau o Hitoti, he kanaka hewa oia, i ahaaina no kekahi o ko'u poe kanaka. Ua koi ia no hoi o Bruat e hele i kela ahaaina, nana no i hoolako i ka waina, a nui ka poe i ona.
                Haiolelo o Hitoti a me kekahi poe e ae, e hooluolu i ke kiaaina ia Bruat, aka, o kekahi poe, olelo lakou i ka oiaio ia ia, e i ana, "ua lokahi no kakou me kona waina, aka aole lakou i lokahi me ia a me na Farani, aka ua lokahi lakou me ke Alii wahine o Pomare."
                Aole pono ia Bruat ke lalau wale ma ka oihana aupuni maluna o ko'u poe kanaka, i keia manawa, no ka mea, ua ike oia aole oluolu ke aupuni o Farani, a me ke Alii o Farani, a me kekahi poe kukakuka ona, i Du Petit Thouars; a ua kauoha lakou ia ia e hoihoi i ko'u aupuni ia'u.
                E hooili hoi wau maluna o Bruat, na ino a pau e kupu mai ana no kona hoolohe ole i ka makemake o na luna kukakuka naauap o Farani, a me na kanaka o kona Alii iho. :
                Ua hoouna o Bruat i kona moku ahi e kii ia'u, i loaa wau iloko o kona lima, aka mahuka au i ke kuahiwi, kahi a'u e noho nei iloko o ka hale ino loa.
                Aole loaa ia'u kana kauoha, no ka mea aole hiki ia'u ke paulele i kana olelo, no ka mea aole hoihoi mai i ko'u hale a me ko'u aina. Ke i mai nei hoi oia, ua hewa au, no ka mea, aole au i haaleleia na hoalauna kahiko a oiaio, na kanaka Beritania. Aole loa wau e haalele ia lakou, aole hoi au e haalele i ko'u manaoio, aole hoi e hana na kanaka o'u peia, no na mea e hiki mai ana.
                Ke noho nei au ma ka mokupuni o Raiatea; aole no'u ia aina i keia manawa, aole no'u ia aina mai ka wa kahiko mai a hiki i keia manawa.
                Tahaa, a me Raiatea a me Huahine, a me Maiaviti a me Borabora, a me Maurua, he mau aupuni okoa lakou, a he mau alii okoa ko lakou, he mau hoalauna lakou a pau no'u, aole lakou e haalele ia'u, e malama no lakou ia'u. E kuka pu au me lakou, a e kuka pu no hoi au me na Beritania iloko o na pilikia o'u.
                Ke kali nei au e lohe i ka olelo hope loa mai o Farani, a mai kuu makamaka, o kuu kaikuaana nui a maikai, ke Alii wahine o Vitoria, a ke paulele au i ka pono, a me ka oiaio, o ke Alii o Louis Philippe. Ke ike nei au ua pono a ua naauao kou mau luna kokua i ke aupuni, e manao pono ana no makou, a e olelo pono ana no'u, a e aloha no wau a me ko'u lahuikanaka ia lakou. Eia hoi E ke Alii, e hana mai oe ia'u e like me oe i makemake e hana ia oe, a manao ia'u me he wahine la, a kokoke hanau hou i ke keiki. Ke lohe nei au, he wahine pono, ke Alii wahine o Farani, a he makuwahine hoi oia. E hiki no ia ia e aloha mai ia'u. Ke nonoi aku nei au ia ia e kokua mai ia'u.
                Ua pau ko'u mea e olelo aku ai, a he oiaio no ia. Ina aole oiaio, e kipaku ia'u. Aole au pono e hana lokomaikaiia mai ke oiaio ole—aka,