Ka Nonanona, Volume IV, Number 21, 4 February 1845 — Page 98

99 KA NONANONA. (FEBERUARI,

Beritania, o Ebrilla kona inoa; oia ke pailata, a me ke kokua ana o na haneri kanaka o'u, ia lakou e hana i na pauma, i ke ao a me ka po, ma ia mau mea hiki oia i ka aina. Elua mahina o keia moku o ke kapili hou ana. Kokua aku makou, a haawi i ke kapena, o La Place, i kekahi mau laau maikai loa o makou, a nui na mea e ae a makou i haawi aku ai ia ia e kapili i kona moku. Aia a paa, a makaukau loa kona moku e holo ma ka moana, hoakoakoa koke o La Place i na'lii, a me na poka iloko o kona mau pu, kauoha mai oia ia makou e hoopau i kekahi kanawai o makou, ka mea i hoolilo i ka aoao hoole pope, ke kumu haipule o ka aina, a e haawi makou i kekahi mau wahi o ka aina kahi e kukuluia'i na hale pule, no na Katolika Roma.
                Aole hiki ia La Place ke huna i keia oiaio, he hoomaloka nae oia, no kona hoakaka ana iho. E hiki anei ia oe. E ke Alii, ke hoapono i kana hana ana?
                Hiki anei ia oe ke kahaha no ka huhu o na kanaka o'u i na kanaka Farani?
                Ia manawa, ua holo o Du Petit Thouars i Europa, me ka hoomanao i na olelo a pau a Morenhaut i olelo ai ia ia; hoi hou mai oia i ka makahiki 1842. Ia manawa, kakau oia i olelo hoolaha, aole au i ike ia olelo, aka lohe au aia maloko, he nui na mea hoohewa, wahahee mai ia'u. Olelo oia e kaua i ke kulanakauhale, ke haawi ole au ia ia i na dala he $10,000,— a ua ike oia aole a'u moni.
                Ma ka hana ino ana, a me ka hooweliweli ana, a me kekahi mau alii o'u i hoohuliia e Morenhaut ma ka hooweliweli a me na olelo malimali, e ae aku i kona mau manao, kau i ko'u inoa ma ke kuikahi hoomalu, me ka makemake ole no nae, a noho malie no hoi, a kauoha no hoi i ko'u lahuikanaka e noho malie; no ka mea, aole mea e pono ai. He mau kanaka pono o Reine a me Carpegna iloko o ka ahaolelo aupuni, aole huhu, aole hooweliweli, nolaila, noho maluhia makou.— Makemake au e uku oe ia laua. Aka, o Morenhaut, ua oi kona mana i ko laua, a ua kapaia oia he Comissioner Royal, hana ino mai oia ia'u. Hooluliluli oia i konu lima me ka puupuu ma ko'u maka, huahua ma ka waha, a nui na olelo pakike ana i olelo ai no'u imua o na malihini he nui, a me kekahi poe luna Beritania. E ke Alii, e lawe aku oe i keia kanaka. Aole hiki ia'u, a me ko'u poe kanaka ke hoomanawanui i kona hana ino ana. He kanaka hilahila ole oia.
                Hoi hou o Du Petit Thouars i Valeparaiso, a kakau palapala oia i kona aupuni, he mea hoike wahahee loa no keia mau hana ana; aole pau kona manao e hana pela, hoi hou mai nei oia i ka makahiki 1843. Hooweliweli hou mai aia ia'u, a olelo mai, ua hana hewa au i kona wa ma kahi e; a ua hana au i ka mea hewa nui, i ka noho oluolu ana me na misionari, a me na kanaka Beritania, na makamaka kahiko o'u, ka poe i kokua mau ia'u. Aole i olelo ke kuikahi hoomalu, e kipaku au i keia mau kanaka, na mea i hoohuhuli i ko'u mau kupuna ma ka pono, a me ka poe i ao mai ia'u i ka olelo o ke ola, a he mau alakai no makou i na mea maikai. He meu hewa anei ia'u ke aloha a me ka mahalo i keia mau kanaka? He mea hewa anei ia'u ke kuka pu me lakou iloko o ko'u mau pilikia? O ka mea