Ka Nonanona, Volume IV, Number 6, 9 July 1844 — Page 35

1844.) KA NONANONA. 35

                Ma Hilo, kokua na hoahanau i ke kula kaikamahine o Koanawahine i ka ai a me ka ia, a ua hana na hoahanau ma Puna i hale pule pohaku a paa, a ua komo no hoi.
                Ma Waimea, Hawaii, kokua na hoahanau i $150 no ka hale pule o lakou.
                Ma Kau, kokua na hoahanau i $150 no ka hale pule hou a lakou i manao ai e hana. He hoomakaukau wale no keia.
                Ma Lahaina, kokua na hoahanau i $400 no ka hale halawai hou o lakou, a kokua hoi lakou i $100 no ka lakou kumu, i ola nona.
                Ma Wailuku, kokua na hoahanau i $112, no ka hale pule ma Hana; a ua ae like na hoahanau ma Wailuku e malama a e hanai i ka lakou kumu o Kalaka; ua loaa na dala he $50 no keia mea.
                Ma Hana, ua kokua na hoahanau i $200 no ka hale pule hou o lakou.
                Ma Molokai, ua hana na hoahanau a paa ka luakini hou, a koe iho na dala $230, e kuai i bele no ka hale pule.
                Ma Honolulu, ua kokua na hoahanau o ka ekalesia ma Kawaiahao, i $124.50 e hookaa i ka aie o ka hale pule; ua kokua hoi i ka lakou kumu i $106,12 i ola nona: ua kokua i ka hale pule ma Hana i $22.50. Kokua hoi i ka hale pule ma Molokai, i $22,50; kuai hoi kekahi hoahanau i mea kani no ka hale pule he $20. Hui na dala kokua a pau, eia no, $313.62, no ka ke Akua hana.
                Ma Ewa, kokua na hoahanau i $42, a ma Waianae i $130 no ka hale pule hou o lakou.
                Iloko o na malama he 12 i hala ae nei wale no keia kokua ana; aole na kokua
mamua aku.
                Eia kekahi; o na hoahanau a pau loa i komo iloko o na ekalesia o Hawaii nei mai ke kumu mai, eia no ka nui ke houluuluia 31,376.
                O na hoahanau hou ka i komo i keia makahiki i hala ae nei mai kela Mei a hiki i keia Mei, eia no ka nui 1,108.
                O na hoahanau a pau ka i make mai ke kumu mai, eia no 3,752.
                Na hoahanau make i keia makahiki i hala ae nei ma keia pae aina, 892.
                Na hoahanau i hihia a i kapaeia i keia makahiki mai kela Mei a hiki i keia, eia 657.
                Na hoahanau e ola nei a e noho pono ana mai o a o i keia wa, eia 22,346.
                Na keiki a pau i bapetisoia mai ke kumu mai ma keia pae aina, eia 10,385.
                Na mare i keia makahiki i hala ae nei, eia 1,261.
                Na kanaka hele i ka pule i ka la Sabati ma keia pae aina, i ka la hookahi, eia 17,175.
                II. NA KULA. O ke Kulanui ma Lahainaluna; 135, na haumana iloko o ia kula mamua iho nei. Eono o lakou, ke imi nei i ka oihana lunaolelo no ke Akua me Dibela. Ua puka iwaho i ka malama o Aperila iho nei he 30 haumana, elua i make, ekolu i hoi aku no ka mai, a ua kipakuia hoi ekolu no ka kolohe: koe iho 97 e noho nei iloko o ke kula.
                Ke aoia nei lakou e na kumu ekolu, o Dibela, o Emesona, a o Alekanedero, ma ke kakau lima, ma ka pa-ko-li, ma ka helu, hoikehonua, hoailona helu, anahonua, hoikeakua, hulikanaka, palapala manao, a me ka hai olelo. Ma ka olelo Beritania kekahi poe, ma ka olelo a ke Akua kekahi poe.
                KULA NUI MA WAILUKU. O Bele me kanawahine a me Mi. Okana na kumu o ia kula; he 47 na haumana e noho nei; ua mareia ewalu. Ua aoia keia kula ma ka heluhelu, ma ke kakaulima, hoikehonua, helu, hulikanaka, hoikeakua, hoikeuhane a me ka hana maoli.
                KULAHANAI MA HILO. O Laimana laua me kana wahine na kumu. Kanaono na haumana iloko o keia kula; he 37 o lakou