Ka Nonanona, Volume IV, Number 5, 23 June 1844 — Page 27

1344.] KA NONANONA. 27

nui i ka oopa. Aneane au i paupauaho i ka hoopiipii pinepine i na pali kiekie. Aloha ino na misionari i kaahele pinepine i keia aina pali! Aole o na pali wale no ke ino, o na wai kekahi ino. Ina nui ka ua, ala mai na wai, a pii ae, a kiekie, a kahe iho me ka ikaika loa. Pilikia loa ka huakaihele i kekahi manawa no ka wai. I kekahi manawa, kali kakou, a hala kekahi mau la, i emi iho ka wai, i hiki ke hele aku. O ka mea e makemake ana e wikiwiki, imi oia i ke kaula, a hoopaa ia ma keia aoao o ke kahawai, a ma kela aoao no hoi, a pela e hiki ai, a ma ke au maoli i kekahi manawa. A i kekahi manawa, lilo aku no kekahi i ka wai a make. Pela no kekahi haole mamua aku. Ua kuhikuhiia mai ia'u kona luakupapau.
                I ko'u hele ana, ninau aku la au i ka noho ana o na kanaka, o na hoahanau, na halawai, na kula; komo pinepine au iloko o na hale kula. He ino ka nui o na hale kula, aohe maikai iki, aohe noho, aohe moena, aohe papa, pela ka nui, pelapela loa ko loko. A hea loaa na hale kula maikai? No ka ino o na hale kula, nolaila haalele pinepine na haumana i ke kula. Aole lakou i makemake e noho ma ka lepo, me ka opala, a me na ukulele. Ke imi iki la nae kekahi poe i ka mea e pono ai ko lakou hale kula, me ka hemahema no nae. Ma ka po o ka po akolu, puka aku la au i Hilo kahi o na misionari. Sabati au ilaila. He la ua. Aka, nui no na kanaka ma ka halawai, he 1,200 paha ka nui. Nui ka hale pule, nui na noho maloko. Nani ka leo himeni. Ua haawiia keia hana i na keikikane a me na kaikamahine o na kulanui elua. He 90 ko lakou nui. Ua kokuaia ko lakou leo e ka fila nui. Na kekahi haumana o ke kulanui i hana. Ku keia poe a pau i luna, a i ka hoomaka ana i ka leo himeni, uluhia na kanaka a pau oloko. Akaka lea ia'u e loaa pono no ka leo himeni i na keiki Hawaii.
                Ma ke ahiahi o ia la, he ahaaina na ka Haku, he 20 paha ka poe hou i ku iluna, a hoohiki e lilo loa no ke Akua, ma ka bapetizoia ana iloko o kona inoa. Nui na hoaai.
                Ma ka po akahi ka hoomaka ana o ka hoike o ke kulanui a Laimana, oia ka i hoike mua ia. Ekolu la okoa a me ka hapalua ka i hooliloia ma ia hoike ana. He 66 ka nui o na haumana. Ua hoikeia lakou ma keia mau mea malalo iho.
                1 Himeni, akamai lakou ma keia oihana.
                2 Ka heluhelu palapala; holo loa no lakou ma keia.
                3 Helunaau; pau ka Helunaau i ka huliia mai mua a hope, aole koe. Mama kekahi poe i ka hoakaka ana mai i na mea pohihihi o keia palapala, lohi no hoi kekahi poe. Akamai kekahi, a hawawa kekahi.
                4 Helu kakau; ua hele aku lakou ma keia palapala mai ka mokuna akahi a hiki i ka mokuna 20. Maikai no ka hoike ma keia buke.
                5 Palapalaaina. 6 Hoike manawa, a me ka Mooolelo no ka Palapala Hemolele.
                7 Ao kiko. 8 Hoike Akua. Holo loa na haumana ma keia mau palapala. Ala mai ka poe e lohe ana.
                9 Kakaulima; ke hele aku nei kekahi poe i ke akamai ma keia hana.
                10 Olelo haole. Elua wale no haumana ma keia olelo. E loaa auanei ke akamai ia laua. Aole liuliu ke ao ana, a ke heluehlu nei no i ka olelo Beritani, me ka hoakaka mai