Ka Nonanona, Volume IV, Number 3, 23 May 1844 — KA MAKE O KEPOOKAMOKU. [ARTICLE]

KA MAKE O KEPOOKAMOKU.

E ka Nonanona e, aloha oe, he wahi huli kaʻu, e haawi aku ia ʻoe, a nau ia e haawi i ka poe mahiʻai, he huli pala nae. Eia ua huli nei, ʻo Kepookamoku, ua make ʻo ia i ka lā 28 o Aperila. He kumu kula ia ma Kaumakapili nei, he kumu naauao. Aloha makou i kona make ʻana; hele aku la ʻo ia i ke ala maawe iki a ke aloha, i ke ala paa ole i ka omau ia, e ke kanaka akamai i ka hana ma kēia ao, ea. Eia kona mai i make ai, o ke kumu. No laila mai ka nae, a me ka paupauaho o kona hanu. Aole i nalo kēia mai ia ia, a hiki aku i ka make ʻana o kona kino. Eia kana mau ʻoihana i kona manawa e ola ana; o ka noho haumana ana, i Lahainaluna, o ka noho kōkua i Lahainaluna; o he kakauʻolelo ma ka papa me ke Kiaʻāina ; he luna ohi dala o ke kulanakauhale. ʻO ka noho kumuao, he hooilina o ke kahu kula, ma kēia mokupuni eono. Oia kana mau oihana i kona wā e ola ana. Eia kekahi; ʻO kona noho ekalesia ana ma ka Waiahao, aole ike ia kona hihia a make kona kino. Ua pau kona lohe ana.i ka leo o ka bele; kuue ka luhi, pau ka pilikia, a ua hoi aku lā ia i ka poli o ka mukua.

Ke ike aku nei ia i kahi a kakou e imi ne; ua hui pu aku la ia me ka poe pono a pau ma ka lani, ike aku la paha ia i ka maka o ka Moi kiekie, hanohano, a me ka nani, hemolele a ke Keiki Hipa kina ole, ia ao aku ia ao aku , a i ke ao pau ole. Na Kiha

Kakaikahi ka poe kanaka i make ma ka pololi, nui wale hoi ka poe i make ma ka hookuku ai. He pono i na kanaka ke ao ia mai e na holoholona ma kekahi mau mea. Hoʻowahawaha lakou i ka inu rama a me ka ai baka; aole hoi makemake lakou e hoʻokamakama wale, aole hoi e ai wale a hookuku. Ai no a maona alaila oki. Nolaila aole loohia pinepine ka mai o ke kino. Pono i na kanaka ke hoomahui i na holoholona ma ia mau mea. <V> "