Ka Nonanona, Volume IV, Number 3, 23 May 1844 — KA LA HANAU O VITORIA. [ARTICLE]

KA LA HANAU O VITORIA.

O Ka lā 21 o Mei nei, ʻo ia ka lā hanau o Vitoria, ke aliiwahine hanohano o Beretania a me Irelani. He lā olioli nui ia no ko Berutabia poe, ma Honolulu nei ua kahikoia ka manawa maanei, oia hoi o ka Moo —-? i na hae, he nui wale ke ano, mai ka mua i ka hope; ua hanohano loa. I ka hora 12 kani ka pū aloha ia Vitoria, he 25; a a—wi aʻe ka lā, he ahaaina ko ke Kanikela Beretania ma kona hale. He mea pono no ke hoomanao i na liʻi maikai me ke aloha a me ka hoʻomaikaʻi aku; a he mea hoi kēia e paipai a e hoʻouēuē ? i na'lii e noho pono, a hana ono, i mahaloia lakou a i alohaia hoi e na ʻlii uuku iho, a me na luna a me na makaainana. Inā hanaʻino na liʻi, o ko lakou hoʻowahawahaia no ia; ʻaʻole mea hauʻoli i ko lakou lā hanau; olioli na kanaka i ko lakou lā e make ai a nalowale loa. Palakahuki ko lakou inoa ma hope o ko lakou make ana e like me ko Herode, a me ko Parao, a me Belekehaka. Uwe ka Honua ia lakou i ko lakou ola ana.

no ka hana oolea; a make lakou, ua maha ka honua. Nolaila, ea, e noho pono, a hana maikai naʻlii o Hawaii nei; e pale ae i na mea ona a me na mea awaawa a pau. E pale aku i na hana kekeʻe a pau; e imi a hana ikaika loa mamuli o ka pono o ke aupuni; alaila, olioli na makaainana, a hoʻomaikaʻi hoi i na la i hanau ai na lii. Pau kēia.