Ka Nonanona, Volume IV, Number 3, 23 May 1844 — NO NA HO HANAU, Helu 8. [ARTICLE]

NO NA HO HANAU, Helu 8.

Eia kekahi ano o ka poʻe naʻau hou: O ke aloha. O ke aloha ʻiʻo ma ka naʻau, ʻo ia ke kahi mea e pili pono ana i ka naʻau hou, ʻaʻole loa kēia mea ma loko o ka naʻau i hana houʻole ʻia e ka ʻUhane Hemolele: ʻaʻole he aloha i ke Akua, ʻaʻole hoʻi he aloha i nā kānaka o ke Akua, aole hoi he aloha i na kanaka a pau; ua nele loa ka naʻau kahiko i ke aloha ʻole. Akā, ʻo ka poʻe a pau i loaʻa ka naʻau hou, ua aloha ʻiʻo lākou i ke Akua, a ua aloha lakou i ko ke Akua poʻe kanaka; a ua aloha menemene lākou i nā kanaka hewa a pau, e hele ana i ka make e pepehi ana i ko lākou ʻuhane. E ake ka naʻau o nā haipule aloha

e huli mai nā kānaka hewa a pau mai ko lākou hewa mai, a i hoʻokahi ka haele ʻana o nā kānaka a pau mamuli o ka pono, i ola ko lākou poʻe ʻuhane. Minamina nā haipule ʻiʻo i nā ʻuhane o ka poʻe hewa e iho ana i ka lua ahi pio ʻole. Pule nui lākou i ke Akua no ka poʻe lawehala, kahe ka waimaka no lākou. Halelū 119136, “Kahe nō nā muliwai ma lalo iho o ko'u mau maka, no ko lākou mālamaʻole ʻana i kou kānāwai”. Pēlā ke aloha , a me ka makemake o ka mea naʻau hou. Eia kekahi mau ʻōlelo, i akaka ai ke aloha ʻiʻo o ka nani i ke Akua, ma ka mālama ʻana i kāna kauoha. ʻŌlelo maila ʻo Iesui kāna poʻe haumāna ma Ioane 14: 15, 21, 23, "Inā e aloha mai ʻoukou ia'u, e mālama ʻoukou i ka'u mau kauoha.ʻO ka mea i loaʻa iā ia kaʻu mau kauoha, a e mālama hoʻi ia mau mea, ʻo ia ka mea e aloha mai iaʻu, a o ka mea aloha mai iaʻu, e aloha ʻia ʻo ia e koʻu Makua, a e aloha hoʻi au iā ia, a e hōʻike aku nō hoʻi iaʻu iho iā ia. ʻŌlelō maila ʻo Iesū, ʻī maila iā ia. “ Inā e aloha mai kekahi iaʻu, e mālama nō ia i kaʻu ʻōlelo, a e aloha mai nō hoʻi koʻu Makua iā ia, e hele mai māua ʻiʻo nā lā, a e noho pū me ia.” Ua maopopo ma kēia mau ʻōlelo a Iesū, ʻo ka mālama i ka ʻōlelo a ke Akua, ʻoia ka mea i pono ai ke aloha a ʻo ka mea mālama ʻole i ka ʻōlelo a ka Haku, ʻaʻohe ona aloha; ua nele loa i ke aloha ʻole, a i ka pono ʻole a ʻike ola ʻole. Eia nō hoʻi kahi ʻōlelo, 1 Ioane 5; 3. “No ka mea, eia nō ke aloha o ke Akua, ʻo ka mālama aku i kāna mau kauoha, ʻaʻole hoʻi he mea luhi kona mau kānāwai. (ʻAʻole e pau.)