Ka Nonanona, Volume IV, Number 1, 30 April 1844 — Page 7

1844.) KA NONANONA. 7

                NA MISIONARI HOU. Ua hiki mai, i keia mau la iho nei, kekahi moku mai Mazetlan, (Mesiko) mai, a ua lohe makou i na inoa o na misionari hou, e holo mai nei ma ka moku Glo be; eia no, Mi. Hunt me kana wahine, Mi. Whittlesey me kana wahine; Mi. Andrews, Mi. Pogue, Miss Whitney, pau loa, ehiku.

KA HANA A Ii MA HAWAII.

                Eia hoi keia, I ko makou lohe ana ua mai pinepine Kuakini i kela mau la mamua'ku nei, manao iho la wau e holo i Hawaii e ike i kona mai a me ka nawaliwali ana. Loaa ia'u kekahi kauoha e olelo pu ai me ia malaila i maopopo ai kona mau hoilina, a me kona mau hope ana e manao ai. A i ka la eono o Ianuari holo aku la mai Honolulu aku nei ma ka moku o Piia kii i ka waiwai o ke aupuni ma Kona i Hawaii.

                A hiki au malaila i Kailua i ke ahiahi o ka la 12, ike aku la wau ia ia e waiho ana me ka nawaliwali ma kona wahi moe iloko o kona hale pohaku i kupaia o Hulihee ka inoa. Aole o kana mai ka maua kamailio ana ia po me ka oluolu, no na lono, a me na hana i hanaia mamua'ku nei, a no na luna i hoounaia, loihi ka olelo ana malaila.

                A hala'e ka la pule, a i kekahi la mai i ke ahiahi hora ekolu paha, hapai pu maua me ia i kana hana, no ka hoopii ana o Kalona ia ia, he kumuao ma Honaunau, no ka hoopai ana o Naheana ia ia ma ke kanawai aihue, e like paha me ka makemake o ke kahuna pope malaila. I ka maua hana ana ia mea, ua hooholo maua ia, ua pau. Aka, aneane hoopaapaa mai ua kahuna la ia'u ia wa, aole maua i manao aku e like me kona. Ia po iho kokoke i ke aumoe ho ra 10 paha, kamailio maua no kona hooilina, a me kona mau hope, i mai la ia, e like no me kona manao mua i hoike ai i na'lii.

                A mahope mai o ia mau la, hiki mai la kekahi luna makaainana a lakou i koho ai, a hai mai la ia'u no ka hoopai ana o na lunakanawai ia Kawi ma me ka ewaewa; hoike aku la wau ia ia i ka la a me ka ho ra e halawai ai makou me ua mau luna la ekolu, o ka 24 paha ia o ka ia. Hai mua'ku la wau i ke lii i ke ano o keia hana, ae mai la oia he pono no ke hana makou a hai aku ia ia. A hiki i ua manawa la, imi pu iho la makou me ua mau luna la ma ka hale o Iakobo Malo, ka hooholo like maua i ka mea kupono, o ka hookuu i ka poe i hoopaiia, aole e hoopai, no ka mea, ua hewa no hoi ka Pailota ma ke kanawai, aole nae i hoopai na lunakanawai ia ia, a e like me kona uku ole a me ka hoopai ole ia, pela no hoi kela poe. A holo ia manao, alaila, hoike aku la kekahi o makou i ke lii, aole he maopopo ka manao o ke lii ma ia mea, nolaila waiho wale iho la ia mea a hiki i ko'u hoi ana i hoi mai ai a hiki wale au i Lahaina i ka la 4 o Feb.

NA KULA OAHU NEI.

Honolulu, Oahu, Apelila 26, 1844.

                E ka Nonanona e, aloha oe. He w ahi manao ko'u ia oe, ina he mea poho ia oe e hoolaha aku, aia no ia oe ia. Eia no ua manao la. I ka la (28) o Maraki nei, hele aku la wau me Keikenui ke Kahukula hou o Oahu nei a puni e ike i na pilikia o na kula a me na kumu, a me na pililua mawaena o na makua, a,me na kumu kula, a ua ikaika loa ka hana a ke kahukulu i kona paipai