Ka Nonanona, Volume IV, Number 1, 30 ʻApelila 1844 — Page 2
2 KA NONANONA. APE RILA;
Batimea i ka mai nui. Ua hoi aku oia i Wailuku e lapaauia, a e noho pu me kona poe hoahanau aloha. Mai ka mua o kona mai, manao ino la ia, aole e ola e make no. Aka, aole ona makau i ka make. No ke aha e makau oia malaila? Ua ike oia i ka mea ana i hilinai aku ai, Ua kau oia i kona manao maluna o Iesu Kristo o kona Haku e ola'i, no ia mea, ua lana kona manao. Ua like kona manaolana me he heleuma la no ka uhane. Aole nau i pakele loa oia i ka hoowalewaleia a Satana. Ua ae mai no ke Akua i ka hoaoia mai o kana kauwa, i maopopo lea ia ka oiaio, a me ka hohonu o kona aloha. No ka hoowalewaleia mai, ua hoike aku oia ia Kalaka i kona makau, o haule auanei ia, aole komo iloko o ke aupuni o ka lani. I konu huli ana mai ke kea o Kristo, aku e nana i kona naau iho, alaila, makau iho la oia no ka nui o ka hewa i koe. Aka, i koaa ike ana, ma ka manaoio ia Iesu, i kaulia ma ke kea, e make ana no ka poe hewa, a i kona ike ana ia ia ma ka lima akau o ka Moi ma ka lani e uwao ana no kona poe kanaka, alaila, ua lana hou kona manao, alaila, ua hauoli oia i kona manao e hele koke aku e halawai pu me Iesu, a e noho mau me ia ma ka lani. I ka hookokoke ana mai o ka make, aole hiki ia ia ke kamailio me koaa poe hoahanau. Ua hiamoe iho la oia iloko o ka Haku, i ke ahiahi o ka la Sabati, Sepatemaba 17:1813. Ua kanu ia oia ma kahi kokoke i ka halekupapau o Hezekia Kawailepolepo. Na ke Akua i kiai mai i kona koena, a kani ka pu nui o ka luna anela, a kiiia mai ko Iesu poe, alaila, i ko'u manao, ua kiiia o Batimea e halawai pu me Iesu e noho mau me ia iloko o ka lani Nui ko'u makemake e helu pu ia me Batimea a me ko Iesu poe a pau loa.
Ke hauoli nei au e hoolilo ma ka olelo Hawaii i ka palapala a Kalaka i kakau iho ai no'u i ko'u noi ana ia ia. Menei kana.
I kela pepa ike kakou i ka palapala a Kalaka.
NO NA KUMU. HELU IV.
Ma ke kolu o kuu palapala, ua papa aku au, "Mai hoowahawaha i na kumu mua o ka naauao." Oia hoi ka makau ia Iehova ke kumu mua loa, ke kumu alakai hoi no ka kakou poe haumana, ke makemake kakou i ko lakou naauao ia ana. Ma keia palapala ke hoike aku nei au i kekahi kumu o ka naauao, pono ke hoowahawaha ole ia. Eia o ka heluhelu palapala. O ka ike i ka heluhelu a laua pololei ko mai manao i kakauia, a i pai ia paha ma ka nana ana i ka lakou palapala, he kumu nui no iu e puka mai ai ka ike. Aole loa e naauao nui ke loaa ole, a ke hoomaopopo ole ka manao ma ka heluhelu ana. Nolaila e pono i na Kumu e hooikaika i na haumana i maopopo lea ka lakou heluhelu ana. Aole nae pono ke holo kiki ka pane ana a ka waha mamua o ka maka, me ke kapa pono i kekahi huaolelo, a kapa hewa i kekahi, me he mea la o ka leo wale no ka i imi ia. He pono e akahele ke olelo, a e heluhelu me ka noonoo, i akaka ka manao iloko o ka mua ana i heluhelu ai, ma ka mea i pai ia a i kakauia hoi.
Eia hoi keia, aole pono e haulele koke i ka heluhelu i ka wa uuku ka ike malaila, me ka manao o ka helu ka mea nui, aole ka heluhelu pololei. E pono no e imi ma na mea a pau e naauao ai. Aka, aole pono e manao iho, he mea uuku ka heluhelu pololei. O ke akaka o ka manao i hoopaaia e ka inika, oia ka mea i manao nui ia, aole o ke kakae o ka pane ana o ka waha i ka heluhelu ana. E hoomaopopo lea kakou o ka mea e imi ana i kela ike i keia ike me ka mea ole i ka hoomaopopo ana i ka manao ana i heluhelu ai, ua like ia me ke kanaka mahi ma kahi pohaku, aole he hua ai i loaa mai. Aole au i ike i ka mea i hawawa me kela ike keia ike no kona maa i ka lehulehu me ka hoomaopopo lea i ka manao ana i heluhelu ai; aka, ua ike pinepine au i na haumana i hawawa maoli i ka imi ana ma ka Helu a ma ka Hoike Honua, a ma ke Anahonua a me ka Huli kanaka a ma na palapala a pau i hanaia e na kula, no ka mea ike ole i ka heluhelu pololei ana. Nolaila e hooikaika nui e ao aku i na haumana e heluhelu, a pololei me ka hoomaopopo i ka manao oloko.
D. B. LAIMANA.
NO HAMAKUA, I HAWAII. HELU 6.
4 Na ekalesia. He 12 ekalesia mamua, aka i keia manawa, ua aneane pau loa kekahi ekalesia ma ka pope. Aia no ia ma Honopue, ma kekahi kihi o ka aina he