Ka Nonanona, Volume IV, Number 1, 30 April 1844 — Page 1

KA NONANONA.

"E ka mea hiamoe, e hele oe i ka nonanona, e nana i kona aoao a o hoonaauao iho." SOLOMONA.

Buke 4. HONOLULU, OAHU, Aperila 30, 1844. Pepa 1.

BATIMEA PUAAIKI.

                Ua noho hou aku o Batimea ma Wailuku imi naauao ana ma na meu o ke aupuni o ka Haku. Aole nae ma Wailuku wale no; e like me koaa Haku, e "holoholo ana e hana maikai," pela oia. Ua hele pinepine ia i Honuaula, i Kula hoi, a i Hamakua kekahi. Penei koaa hele ana. I ka po aono, ua hele oia, a noho i ka Sabati, e ao aku i na kamalii i ke kula Sabati, a e hai aku i ka olelo a ke Akua iloko o ka luakini o Iehova. A noa ka Sabati, ka po akahi, po elua paha, hoi mai ia i VVailuku, a noho me makou a po ekolu hou, alaila, hele aku. Pela kana a hiki i ke kolu, a i ka 'ha pahu o ka Sabati, alaila, ua noho ia i hookahi Sabati, e hoomaha iki, a e hoolohe i ka ke Akua olelo; no ka mea, ua hana o Batimea e like me ka olelo a ke Akua, Iakoba 1: 19, "e hiki wawe oukou ma ka lohe, e akahele hoi ma ka olelo ana aku." I kekahi manawa, ua hele oia a puni o Maui Hikina, e lulu ana i ka ke Akua olelo. I kekahi hele ana, ua hele pu o Davida Malo o Lahaina me ia. A make o Batimea, palapala mai o Davida no ko laua hele ana. Menei: "Nui ko'u mahalo i ko'u hoahele ia Batimea ko'u lohe ana ia ia, e hooikaika pinepine ana i na kanaka o Maui Hikina, i ko lakou hoakoakoa ana ma ko lakou mau kulanakauhale, hoolohe i ka olelo a ke Akua ma kona waha. "Malama e kupu auanei ka hua i luluia ma ia mau wahi, a e hua mai i ka hua maikai."
                O ka poe ike maopopo ia Batimea, o lakou ka i makemake ia ia e hana ma ko lakou wahi e noho ai. Pela o Limaikaika. Ua hana pu laua ma Haiku, a ma Wailuku, a ma Honuaula no hoi, nolaila, nui ko Limaikaika makemake ia ia. I kona holo ana i Honolulu, e pani i ka hakahaka o ko Binamu holo ana i Amerika Huipuia, ua noi ia ia'u, e haawi ia Batimea e holo i Oahu, a e hele a puni ka aina, e hai aku i ka olelo a ke Akua i kolaila poe. Aka, no kona makapo, a no kona mai pinepine, ua ana au, aole i ae aku i kona holo ana. Laimana o Hilo kekahi mea ike maopopo i ke ano, a me ka hana maikai o Batimea, nolaila, ua palapala aku oia ia Kalaka e noi ana ia ia e haawi ia Batimea e holo i Hilo e kokua ia ia i ka hebedoma hookahi ma kona kula. Aka, i ka wa i hiki mai kana palapala ia Kalaka, aia no o Batimea e moe ana iloko o ka hale kupapau ma Wailuku. Pela ka makemake o na hoahanau, na misionari ia Batimea.
            No ka nele o na hoahanau a me na kanaka o Honuaula i ke kumu ole, a no ko lakou noho ana ma kahi loihi mai ka luakini aku, ua noi lakou ia Batimea e hele malaila, a e noho pu me lakou. Makemake lakou ia ia i kahuna pule, a i kahu no lakou, a na lakou no e malama ia ia ma na mea o ke kino. Ua ae aku oia i ko lakou makemake, no ka mea, he aina oluolu o Honuaula no kona mai pinepine, a nui kona minamina i ka make ana o kolaila poe. No kona ae ana e lilo i kahuna no ia poe, ua hooakoakoa ka ekalesia o Wailuku, e hoolilo ia Batimea he kahu no ka apana ekalesia malaila, a he kahana hoi no kolaila poe Kanaka. Ma ia halawai ekalesia ua hoakaka ia ka Iesu olelo, aia ma Mataio 13: 52. A pau ia, alaila, ua kauoha ia o Batimea e hele Honuaula, a e hana i ka Haku hana ma ka euanelio.
            Pela, ua; hoounaia keia hoahanau aloha e ka ekalesia ma Wailuku, e noho ma Honuaula, e hai aku malaila, a ma Kahikinui kekahi, i ka euanelio a ka Haku. Ua lana ko makou manao nona, no ka mea, ua ike makou i kana hana ma Hilo, a ma Wailuku, a manao makou, o kana hana like ma kona aina hou, ua lilo ia i mea e pono nui ai kolaila poe, a i mea e nui ai ka poe haipule. Nui no kana hana, ana malaila iloko o ka luakini kekahi, ma ke alanui i kona halawai pu ana me kanaka, ma ko lakou mau hale kekahi, a ma kona hale iho. Aka, aole liuliu kana hana malaila. Makemake ka Haku i kana kauwa e noho ma kona wahi e ike aku i kona nani, a e hoola aku ia ia. Nolaila, ua loohia