Ka Nonanona, Volume III, Number 21, 5 March 1844 — Page 112
112 KA NONANONA. MA RAKI,
He manao ninau ko'u i ke kahu kula, no ka uku o na makua mea keiki i na kumu ao kula.
Ua auhau anei ke kahu kula o Oahu nei i na makua he hapalua ko ka makahiki, a me na mea keiki ole, he hapawalu? Ua olelo ia pela. A no ia auhau ana haalele kekahi poe i na kula, aole hele iki. Hele nui i ka pope. Hoouna kekahi poe makua i ka lakou mau keiki malaila, kahi auhau ole. A haawi aku kekahi mau makua i ka lakou keiki i ka mea e, no ka mea he nawaliwali paha a manao aole e loaa ka hapalua.
Aka, no ke aha auhau i na makua? Ua hoolimalima ke kahu kula me na kumu ao; a ua uku he hapaha ko ka la a he hapawalu ko ka la a emi iho kekahi. A na ke aupuni lakou e uku noloko o ka waiwai o ka poalua a me ka waiwai o ka aina. A ina ukuia malaila no ke aha keia auhau i ka hapalua i na makua? Mahea ke kanawai e i mai ana e auhau ke kahu kula i na makua he hapalua?
O A DEMARELA TOMA.
Ua holo aku nei ia; i ka la 4 o Maraki nei, kona holo ana maluna o ka Manuwa nui DU BLIN. Nui ke aloha o makou ma Honolulu nei ia ia i kona wa i hoi ai. Aloha na haole a me na kanaka maoli ia ia, a palapala na haole i ko lakou manao aloha ia ia a haawi aku; pela no hoi na misionari ma Honolulu.
He halawai aloha ko makou ia ia i ka la 26, a po iho; ma ka hale o Kauka kahi i halawai ai. Aia ilaila ke Kiaaina me kona poe koa; na alii opiopio, na haole, na misionari, na kane na wahine, he nui wale. Nui loa ke aloha i ka Ademarela, ka mea nana i hoihoi mai ke aupuni. He uwe maoli no hoi kona i ke aloha.
He alii haahaa ka Ademarala; he akahai kona ano; aole haaheo iki, aole hoi he haakei, aole hookano. Ua maikai kona noho pu ana me makou i keia mau malama 7 i hala ae nei. Nui kona makemake i ka hoomalu, a me ka paipai i na hana maikai a pau. Mau no kona hele ana i na halawai haipule i na la Sabati, i ke kakahiaka a me ke ahiahi, a nui hoi kona launa me ka poe haipule. Nolaila, aloha wale kona hoi ana.
Auhea oe, e L ilikalani: - Aole lohea, ua haloiia kela pauku o ke kanawai au i olelo mai ai, ma ka aoao 75, pauku 5. Nolaila ina i auhauia na kumuao ma Hawaii i keia makahiki, ua hewa ia, hewa loa. E pono no e hoopii i na lunakanawai kiekie, ia Paki ma, a na lakou e hooponopono iho i kela hihia. Ua hewa ko oukou hookaa ana i kela auhau wale. Kainoa e ku paa oukou ma ke kanawai. O ke alii, a o ka luna paha e hana ku e i ke kanawai o ke aupuni, mai hoolohe ia ia.
Ka malama 6. IUNE, 1844. O kona mau la 30
La. h. m.
Mahina hapaha hope, 7 8 29 A.
Mahina hou, 16 12 26 K.
Mahina hapaha mua, 23 3 24 A.
Mahina poepoe, 30 6 17 K.
Na la o ka malama. Na la o ka hebedoma. Ka hora i puka mai ai ka la. Ka hora i napoo ai ka la. Ka hio ana o ka la. Ka hoohalike i ka hora.
Houluulu.
h. m. h. m. Akau. m. s.
3 Monede, 5 24 6 36 22˚ 22' - 2 10
10 " 5 22 6 38 23˚ 03' 0 57
17 " 5 22 6 38 23˚ 24' + 0 34
24 " 5 22 6 38 23˚ 26' 2 05
Na LIMAIKAIKA e hoopuka'ku.